Ya Denya

يا حسرة عليك يا الدنيا فيك حكاية وحكايات ساميني وقعدي حدايا واحكيهم لي بثبات علاش هكذا حاقدة وسمية ظلي تبدلي في الصفات تعذبي فيا غير بشوية و عييت أنا من عذابك براكات تلعبي بيا والا معايا جاوبيني علاش هاذ السكات قالوا لي عليك مسرحية وانا المسرح سكن لي في الذات و التذكيرة خلصتها غالية ديت معايا شي وردات دخلت للقاعة صفقوا علي طلع ستار والضو طفات لقيت روحي في تمثيلية والديكور خوف من الأموات طمعتيني ودرتي علي عندي جدي بصح مات يا حسرة عليك يا الدنيا فيك حكاية وحكايات ساميني وقعدي حدايا واحكيهم لي بثبات علاش هكذا حاقدة وسمية ظلي تبدلي في الصفات تعذبي فيا غير بشوية و عييت أنا من عذابك براكات شحال من سلطان كان في دنيا جيوش الامر وطيعات مال ورزق قصور وسرايا العسة عليه بالألوفات غفل غفلة نقلبت الحية حليلتو ما صاب وين يبات وكلتي فلان عسل وفاكية وفلان شمختي لو الفتات فلان قلعتي لو الذرية وحياتو من الفرحة خوات فلان طلق مرتو المسكية زعف كي جابت لو البنات يا حسرة عليك يا الدنيا فيك حكاية وحكايات ساميني وقعدي حدايا واحكيهم لي بثبات علاش هكذا حاقدة وسمية ظلي تبدلي في الصفات تعذبي فيا غير بشوية و عييت أنا من عذابك براكات و المسجون يرجى الحرية بالدقيقة يحسب لوقات الشهار يحلم بالشهرية يا حليلو مولا وليدات كبدة لميمة مشوية واش سهرت واش ربات على وليدها بدل الجنسية عجبو زين الروميات خلى يماه وحدانية من الحرقة والبكا تعمات باش يبين الرجولية بعث لها زوج محرمات يا حسرة عليك يا الدنيا فيك حكاية وحكايات ساميني وقعدي حدايا واحكيهم لي بثبات علاش هكذا حاقدة وسمية ظلي تبدلي في الصفات تعذبي فيا غير بشوية و عييت أنا من عذابك براكات نهار كانت الدنيا دنيا الوالدين علقوا لهم شعارات اليوم الوالدين راهي مرمية في مراكز الشيخوخات انتي دنيا يدك زهرية و انا يدي فيه الكيات مع الواقف درتي جمعية سماها دخلات وخرجات و القليل بعثتي لو خطية جا يصلي تلفت لو الصلاة كي سلم انسى التحية وكي تحى نسا زوج ركعات يا حسرة عليك يا الدنيا فيك حكاية وحكايات ساميني وقعدي حدايا واحكيهم لي بثبات علاش هكذا حاقدة وسمية ظلي تبدلي في الصفات و تعذبي فيا غير بشوية و عييت أنا من عذابك براكات دعوة الوالدين رسمية منهم الشر والخيرات الهنا كنز والصحة غالية والباقي كله كذوبات ياسين ارسلها تحية وامضى فيها بشي دمعات بعثها لكمال مسعودي برية قراها بوتار وألات، الله يرحمك والصلاة على نور عينيا سيد الخلق يا سدات وشكون نجا منك يا دنيا غير اللي طلقك بالثلات يا حسرة عليك يا الدنيا فيك حكاية وحكايات ساميني وقعدي حدايا واحكيهم لي بثبات علاش هكذا حاقدة وسمية ظلي تبدلي في الصفات تعذبي فيا غير بشوية و عييت أنا من عذابك براكات