Fernweh (feat. Sektion Kuchikästli)

I bin miar ständig am Iireda, i gäng aimol länger weg vu do, Swo anna, wo weder mit dr Streetparade no mit Beats und Raps was goht. Wo ni nöcher an Mänscha bin als an Banka und Grosskonzern Und z Läba eher froh und farbig isch als küahl und hochmodern, Wo t Lüüt wenn's an Job hän eher glücklich als müad sind Und nid usraschten, wenn ufem Haiweg selta an Ampla grad grüan wird. Wos nid zwichtigscht isch, dass alles schneller goht und liichter fallt Und noch vorna blicksch, au ohni dass AHV und IV zahlsch. Ma überlait sich denn, swo annazgoh, wo ma nid scho alles kännt Und neui Sichtwiisa gwünna chann anstatt Autos und Geld. Dr Summer länger aduurt als das aina Viartel vum Johr Und dr Rescht davo nid wartsch und hoffsch, dass z Reisefiaber vergoht. Wo ni jeda ainzel Obig viil zviil Energie han zum ins Bett goh, Will i dr Tag dur meh erläb und gsehn als anra blöda Expo. Wo ma spüürt, dass ma läbt und siini Ziit mit Menscha gnüüsst, Obwohl ma nid ai Wort verstoht und ma sich doch in t Herza schlüüsst.