أنا وسط الدنيا الكبيرة، أنا
بحس إني ماليش مطرح
أنا بفرح ناس كتيرة، وأنا
بقيت دايماً بخاف أفرح
تعبت أشكي تعبت أحكي تعبت أشرح
بإيه الشكوى هتفيد قلب متجرح
تعبت أشكي تعبت أحكي تعبت أشرح
وأنا الوردة اللي دبلت قبل ما تفتح
وفي الآخر أنا
حياة وأنا استسلمت ليها سنين
وأنا مضطرة أكملها
حياة واللي اتعود عليها بقى
مايستغربش عمايلها
فضلت أزعل فضلت أحزن
محدش قالي معلشي
من الآخر بلاش أحسن
يبان الحزن على وشي
تعبت أشكي تعبت أحكي تعبت أشرح
وأنا القصة وأنا الجمهور وأنا المسرح
وأنا الصورة اللي مكسورة في بروازها
ولا حاجة من الاتنين بتتصلح
وفي الآخر أنا
تعبت أشكي تعبت أحكي تعبت أشرح
وفي الآخر أنا
