ياسر عبد الوهاب .
اجاني الليل ياكلبي
حضر دموعك وابجي
حبيبك هسه ويه غيرك
يسولف كاعد ويحجي
ياكلبي انت تعبك بي مافاد
لك انسه حبه كافي كافي عاد
الوفي مالي جنت شكد تكول
من هذا الوفي ياكلبي استفاد
الشاعر محمد الصالحي ...
شكد حلو الحبيته لو صاير صريح
وقبل لاتنسه يكول انساني
شكد حلو الحبيته لو رايد يخون
يجي يكلي راخ اخونك اني
مو بحجه حيل تعبان اريد انام
يسده من عندي ويخابر ثاني
ادري حضناتي ولا غزرت بي
وحتى لو داير ملح بحضاني
هذا صوجك ياكلب كلها من اديك
لهيجي حال اوصل منو الخلاني
انت جبته وانت الانطيته مكان
وانت ... وانت ... وكلي هم مو اني
ياسر عبد الوهاب ...
هذا الليل ياكلبي
اني وياك شنسوي ؟
شيطفيها فهمني
نار فراكه التجوي
ياكلبي انت تعبك بي مافاد
لك انسه حبه كافي كافي عاد
الوفي مالي جنت شكد تكول
من هذا الوفي ياكلبي استفاد
الشاعر محمد الصالحي ...
جنه نحجي لحد منخلص رصيد
يوم كامل نحجي حب تقريبا
جنه مرتاحين لاهم لا جروح
وماكو لا حسرات بينه يزيدن
هسه ماادري منو وياه يحجي صار
وكاعد ينيم حضرته ابيمن ؟؟
البشر حيل اختلف بالحب اختلاف
وعنده اهم شي هسه بس مصلحته
وهوه واحد منهم الحبيته حيل
خان بيك وانت ابد ماخنته
ها ياقلبي ؟؟ شفته هسه شلون اسوة بيك
كل جرح بينه بركبتك انته .
