in core di i mei ci dorme l'allegria
puru quandu a vita inciampa i so passi
ci dormetant'amore è tanta puesia
ancu s'elli so zitti o s'elli stanu bassu
in bocca di i mei ci stanu mille fole
da cuntami li tempi di tutte le sumiglie
chi tessenu a leia nant'à un filu d'amore
mentre a vita corre e strappa ogni briglia
in manu di i mei hè scrita a spartera
in lettare sulcate da e cugliere andate
hè dettu lu travagliu è po la straziera
per fà cresce piu belle e so nove biate
in l'ochji di i mei ci vecu tante frante
tant'amori pertuti à l'eterne credenze
una manera d'esse, une feda tamanta
tuttu cio ch'hè amore è chi pare viulenza
in casa di i mei ci canta una lingua
vechja quant'è terra induve elli so nati
è viula d'amore scrive'sse duie rime
dilli quant'è so fieru d'avelli à lu mio latu
è vulia d'amore scrive'sse duie rime
dilli quant'è so fieru d'avelli à lu mio latu
