Similar Songs
Credits
COMPOSITION & LYRICS
Clarisse Karasira
Songwriter
Lyrics
Uwo munsi yazindutse icya rubika
Yinyakura cyane yikoza irya n'ino
Izuba rirenga akereye urugendo
Ukwezi gucanye aguwe n'agahinda
Ijoro rigiye adukoranya twese
N'amarira atemba araterura bwangu
Ati ubuzima bagenzi ni urugendo
Kandi umutima urambwira kugenda
Ngiye guhaha munsabire mwese
Nimpirwa nkaronka nzagaruka mbasure
Uwacu eh uwacu
Uwacu urakumbuwe cyane
Rutemikirere yayuriye nk'ejo
Yogoga amajoro namashyushyu menshi
Ibwotamasimbi ahikab'undi munsi
Imebehero n'ubuzima bushyashya
Ntibyatuma yibagirwa urukundo rw'iwabo
Njye ngahora nsenga musabira ntasiba
Ko ahorana ubuhizi akunde ahirwe
Inkoranyambaga zoroheje byinshi
Amazey'imyaka urukumbuzi rumuzonze
Atwandikira atubwira ibyo kwa nkovu z' imiringa
Uwacu eh uwacu
Uwacu urakumbuwe cyane
Ati amahoro mwe dusangiye isano
Narashyitse ndaronka ariko sintuza
Ubuzima bw'ino ntibusa nk'ubw'iyo
Har'abo buhira har'abo bururira
Urukumbuzi rwo ni rwinshi cyo nimutahe
Ntitwibagirwa iwacu mu miryango
Kubateza imbere bituraje ishinga
Turi abo inkoko y'iwabo ishonda umukara
Amahanga arahanda mbabwire
Abagifite u Rwanda mukore kw'ibanga
Uwacu, eh uwacu
Uwacu urakumbuwe cyane
Inkuru nziza yogeye iwacu
Ngo warakotanye cyane ukwizw' imidende
Muruhando rwamahanga uhitwara gitore
Abo wasize tukwambariye impumbya
Dutegereje kukwakira n'ishimwe ryinshi
Igitaramo iwacu ngo gitahe
Imenagitero itashye gitwari
Tuganure ibyacu no kubyo wahashye
Nanjye ka gakobwa wihebeye cyera
Uzanzanire iy'umuringa sinkubure ukundi
Uwacu, eh uwacu
Uwacu urakumbuwe cyane
Ayi heeh uwacu he uwacu
Uwacu urakumbuwe cyane
Ayi heeh uwacu he uwacu
Uwacu urakumbuwe cyane
Lyrics powered by www.musixmatch.com