يا جايلي بعد شوقة
تعالى ف حضن ابوك
احامي عليك من اللي
كسروني ليكسروك
صحيح من صلبي لكن
أنا بصلب طولي بيك
وإن تاهت الخطاوي
يلحقني نور عينيك
طول ما انت ف ضهري سالكة
وإيدينا للدنيا مالكة
كسبان ومفضليش
غيرك ف متسبنيش
أنا شلت لوحدي شيل
يقطم اجدعها حيل
لكن انت مدام قصادي
هستحمل تعبي عادي
ده انت اللي طلعت بيه
يا جايلي بعد شوقة
أنا كل خير بشوفه
عشان انت حتة مني
عايش برضاك عليا
يا طيب يابن دمي
واتعلم مني حاجة
قبليك أنا شفت ياما
اللي يعاملك بقلّة
عامله انت بالشهامة
طول ما انت ف ضهري سالكة
وإيدينا للدنيا مالكة
كسبان ومفضليش
غيرك ف متسبنيش
أنا شلت لوحدي شيل
يقطم اجدعها حيل
لكن انت مدام قصادي
هستحمل تعبي عادي
ده انت اللي طلعت بيه
يا جايلي بعد شوقة
