El harraz (Andalou, Chaâbi et Haouzi)

حراز حكيم من الحجاز (حراز حكيم من الحجاز) طلع للغرب على براز (طلع للغرب على براز) قاري جردابية ديال رومان الأزرق يا فهيم وميسر كذا من حكيم (وميسر كذا من حكيم) قاري علم التنجيم كيحقّو وسجع وفرصة معلّم في حرب النّساء (معلّم في حرب النّساء) ومبلي بالطاسة وسالباه الجلسة بين البنات جايل عنهم طول الحياة جال مدن وقريات خاصة كل غزالة عندها يدور حوّس المداين والدّشور (حوّس المداين والدّشور) يوم وصل الأزمورk يسمع بنت ظريفة عذراء وباهية ولطيفة بالعود كتخبّل وتصيح معاه بالحجازي وشغال الشام صايلة بيهم عن جمع الرّيام عياط الغرب مع الكلام (عياط الغرب مع الكلام) بنت 18 عام عندها في عمرها عذراء مخنترة في صغرها، عندي كابرة فالعشرة كل يوم ما تخطاني حتى ان جاء الحراز مطّور في البلاد باعوها له حسّاد، كيحّسدوني في هلال الأعيان عمل عنها الأرصاد في القصر، سكن بين الواد والبحر تملّك بها وملكاته الغزال السعديّة (الغزال السعديّة) حكم عنه مير زينها وظفر بالأفراح، وقاسو الهوى ما ارتاح يا من يصغى ليّا (يصغى ليّا) كيف جرى بين العشيق والدّامي والحرّاز؟ حرّاز حكيم من الحجاز غابت عني تاج الأبكار (غابت عني تاج الأبكار) سبع أيّام فقدت الأخبار (سبع أيّام فقدت الأخبار) صبح عندي بشّار جاء وبشّرني بأخبار الغزال عند الحكيم آ من تسال (عند الحكيم آ من تسال) من جانا للمغريب بالسحر، رصدها في داخل القصر ملكاتو بالزين والشعر، والشامة والخال والشفر بالنهدين تفاتح الشجر والسّالب يهجي بلا عكر والقدمين تمشي بالنقر وأنا نطوّر قلت ليه جميع أصحابي طيار نفترقوا عن تاج البكار (نفترقوا عن تاج البكار) انعجّب بيه إذا عطات فيه الوجبة بمحاربة درت خصايل مناسبة زوّلت الجلابة ودرت كسوة قاضي الكتاب دايرو في اللبدة تسبيح اليوسي في يميني وصلت للقصر نطقوا الأرصاد، كيقولوا تجاوب يا حكيم خرج حرّاز الرّيم قال لي آش عنى بيك؟ يا مغربي ودويت وقلت ليه أنا قاضي البلاد، جيت نستبرّك منك يا حكيم نطّعمك في حق الكريم (نطّعمك في حق الكريم) تمشي عندي للدار بالضيافة دوى هو وقال لي آ معتزلي ما نآمنشي في بعض السّلام ما نشرك عنّك شي طعام أنت مأكولك عنّي حرام أنت قاضي خدّاع روح في حالك صد عليّ (صد علي) آش القاضي تايكون مثلك جيتي همّاز ودخل للقصر كي الباز يا من هو يصغى ليّا (يصغى ليّا) كيف جرى بين العشيق والدّامي والحرّاز؟ حرّاز حكيم من الحجاز حرّاز مطوّر بالأشكال وأنا نرجعلو بالحيال حرّاز مطوّر بالأشكال وأنا نرجعلو بالحيال صاحب سيدي رحّال، درت عشرة بقطاطي الصّايلين بقارج ليهم طايبين (بقارج ليهم طايبين) شمعهم مشعولين والبنادر عشرة متسخّنين وحنا جدّابين كاملين (وحنا جدّابين كاملين) وصلنا لباب القصر نطقوا الأرصاد، كايقولوا تواجب يا حكيم خرج حرّاز الرّيم، عينيه كيدوروا في راسه زدت ليه سلّمت عليه غفل ما رد علي شي سلام جدبت عليه وقلت ليه "قول مرحبا بأهل السّلام" تعرف سيدي رحّال جدّنا وأنتيّا جيتي لغربنا، لازم نورّيولك سرنا دخّلنا للدّار والقصر كرمنا بالورد والزهر ودار مصاغر ليس واجبني عن هاذ الأقوال بعد تلفّت ليّا وقال (بعد تلفّت ليّا وقال) بعد تلفّت ليّا وقال هذا سيدي رحّال حق ولي الله كمال ليس نبي ولّا مرسال نسبتولوا مذهب هاذ الحيال وأنتوما يا عشرة طوال بقطاطيكم كيف الكبال حارسكم ختّال جابكم أنتوما لحمية (أنتوما لحمية) ودار للأرصاد قال كرموهم بالعكّاز وفلت أنا بين الغراز يا من يصغى ليّا (يصغى ليّا) كيف جرى بين العشيق والدّامي والحرّاز حرّاز حكيم من الحجاز