Top Songs By Balti
Similar Songs
Lyrics
سهران يشرب في كاسه فالبار
ممحون يواسي في محانه
فاته العمر وفاتته الكار
وما خلص الكريدي في الحانوت
مروح ظلمة بالسرقة للدار
خاطر في الحومة مسال ومديون
وحلات في عينه بنت الجار
أما مشات مع مولا المليون
حارا بيرا وقضية للدار
شهرية مشات بين ركوب وصابون
ناسي الأنثى وناسي جيب الصغار
ولا وينك حبيبي في التليفون
لا costume ولا باكو نوار
لا في برده لاقي حضن سخون
ليل مخر وفاته الكار
حارا بيرا والكمية زيتون
ويحب يغني ويغني ويغني
بدات الدنيا تزهالي
دنيا تحلالي
وعايش بوهالي
يحبوك عايش بوهالي
وعايش بوهالي
يحبوك عايش بوهالي
فطور الصباح قهوة كحلة وكارو
وحتى زحمة بالقاري والخدام
وتعدات قدامه بنت جاره
يحب يعبر ما لقاشي الكلام
لا لاقي صرفه ولا ديناره
سعد الي تكلم وجيبه مليان
ما لقاشي كار لقى بيكو كارو
والموجيرا ركبت في البيام
لا ركست ياما ولا باني داره
يشوف في شعره شاب مع ليام
يجري عـ الخبزة ما لقى مصواره
رخست الناس وغلات الأسوام
قاعد فالبار يخمم في زهره
وبنت الجار ما عملتلوشي j'aime
وحلات السكرة وفاتته كارو
حارا بيرا والكمية أوهام
ويحب يغني ويغني ويغني
بدات الدنيا تزهالي
دنيا تحلالي
وعايش بوهالي
يحبوك عايش بوهالي
وعايش بوهالي
يحبوك عايش بوهالي
لا خبر يفرح ولا طلع الـ moral
والشهرية تمشي قبل ما تجي
لا SMS ولا message vocale
لا وينك حبي ولا وينك chérie
وتمشي ليام وزيد ضاق الحال
وغلات الخبزة لي عليها يجري
وغابت بنت الجار وغيابها طال
رجعت براجل وزوز دراري
غزال وشارد ضايع في الأدغال
وضبع يحوم على لحم طري
والقلوب ولات كيما الصلصال
مرة تكساح ومرة تسوفري
ورخس بنادم وطاح الدينار
تبع كي البقرة ضحك كي l'vache qui rit
وكيف العادة فاتته الكار
سكر البار وقالولوا bonne nuit
ويحب يغني ويغني ويغني
بدات الدنيا تزهالي
الدنيا تحلالي
وعايش بوهالي
يحبوك عايش بوهالي
وعايش بوهالي
يحبوك عايش بوهالي
Writer(s): Mohamed Salah Balti, Wassim Zmerli
Lyrics powered by www.musixmatch.com