So wit (feat. Znvg, Reyan.Rami, DiMiTRi & MC Eichel)

(Fatap Znvg) Kumm mit mir us däm Anthrazit Kumm mir läbe in dr Fantasie Do isch alles langwilig Kumm mir göhn zäme, göhn zäme ganz ganz wit Ganz wit wäg in e anderi Wält Neume ane wos an Farbe nid fählt Wäg vo do, kumm nid klar mit de Ängscht E Ort für uns zwei was dänksch Mir rette uns, spränge die Kette uf Ab jetzt gits nieme Konzept für uns und denn Nimm mini Hand, los sie nie widr los Lömr uns frei odr bliebe mr do (Reyan.Rami) Do Gits nüt womi hebt Lueg ich ha mir so so viel Für uns überleggt Well es git e Ort Wirklich perfekt Kum, kum ich nimm dich mit Mir göhn jetz (DiMiTRi) Ich bi so wit wäg vo däm Bild wo ich mein wär ich bi Gfall ich dir hüt net, denn ändre ich mi Ha net verstande was Glück bedütet Ha mit zu viel grüble mini Zit vergüdet Mini Angst ahgstriche in Neonfarbe Kum z'überseh, so wie Lüchtreklame Fisi Phase steigre s Unbehage Das viele Gfassle schloht mir uf e Mage Wän dä Mist nüme höre, mir haue ab Zu gross dä Geier wo Auge macht Hän verschideni Standpünkt wie Antipode Euri Decki, das isch unsre Bode (MC Eichel) Lueg ich hau ab us dr Stadt An e gheime Ort Gib mr d'Hand und kumm mit Lueg ich zeig dir wo Mir sind nur einisch do Und wüsse dass' ellei nid goht Es hett mir z'vill Krach, ich has satt Ich will heimeko (Reyan.Rami) Lueg in mim Kopf könne mir wit wit wit wäg Kunnsch mit mir mit, bitte sag jä Ich will di fröhlich seh verlier di Lätsch Und nimm nur Liebi mit in dim Gepäck Es macht mi bizli nervös weni dänk Wievieles möglich isch in miner Wält Ich ha dis Ticket scho glöst füre Wäg Well es wär schöner wenn du mit mir kämtsch Do Gits nüt womi hebt Lueg ich ha mir so so viel Für uns überleggt Well es git e Ort Wirklich perfekt Kum, kum ich nimm dich mit Mir göhn jetz (MC Eichel) Lueg ich hau ab us dr Stadt An e gheime Ort Gib mr d'Hand und kum mit Lueg ich zeig dir wo Mir sind nur einisch do Und wüsse dass' ellei nid goht Es hett mir z'vill Krach, ich has satt Ich will heimeko Lueg ich hau ab us dr Stadt An e gheime Ort Gib mr d'Hand und kumm mit Lueg ich zeig dir wo Mir sind nur einisch do Und wüsse dass' ellei nid goht Es hett mir z'vill Krach, ich has satt Ich will heimeko