A wi yufan ad yekkes lxiq xas yiwwas
Ad yesteεfu seg lehmum ur nkeffu
Ad d-yekkes iman-is seg ṭṭiq bu tuɣmas
Ad yeṭṭef abrid anida yebɣa ad yeddu
Ad yesseɣres ad iruḥ ad yeǧǧ leḥwaṛi
Dadda Ssaεid lexwal rnu-d lǧiran
Ansa i d-tekkiḍ acu akka i txedmeḍ ass-agi
Ntezzi kan a setti ṣeεben wussan
Ur newqim ur nestufa, di rrayeε i nettazzal
Ur nexdim ur nesteεfa, yettṛuḥu lḥir di tfukal
Iḍelli ṣubbeɣ ar Tizi zuna ad sfeqdeɣ
Ad steqsiɣ anida i ssawḍen lecɣal
Truḥ tsebḥit deg ubrid ad ssewεadeɣ
win i d-iεeddan, wa yeččuṛ wa yettɣawal
Wwḍeɣ ar din ufiɣ lbiru d agani
Yeqwa lɣaci, awal, amdeggar, urfan
Muqleɣ ammer ad waliɣ albeɛḍ n tmussni
Beddeɣ ciṭ kan yekker-itt imenɣi ɣef umkan
Ur newqim ur nestufa, deg rrayeε i nettazzal
Ur nexdim ur nesteεfa, yettṛuḥu lḥir di tfukal
Mi ruḥeɣ ad d-aliɣ mlaleɣ-d akked Lḥusin
Yenna-yi ssneɣ yiwen ad t-nwali
Yesεa lexyuḍ, tamussni, yeɣṛa deg temkeččmin
S lmelḥ n ufus adrar ad ak-t-id-yerr d agni
Newweḍ nesteqsa, nnan-aɣ rǧut-t dihin
Di ttberna n dda Qasi ad d-iεeddi
Mi d-neffeɣ syin deg berra ceεlent teftilin
Iruḥ lḥal, lecɣal yiwen ur t-id-nefri
Ur newqim ur nestufa, di rrayeε i nettazzal
Ur nexdim ur nesteεfa, yettṛuḥu lḥir di tfutal
