Zerbait idatzi nahiko nizuke gaur
Baina tinta lehortu zaio nire lumari
Ideiek ihes egin didate
Buruko zirrikituren batetik
Argitasun kimuak
Egarriz hilda agertu dira
Ibaiaren emariak
Kendu dizkit azken
Hondare xumeak
Isiluneak pilatzen ari zaizkit
Oihukatzeko beharrez
Baina jadanik ez dakit nola
Ozena da zure hutsunea
Entzungo ote didazu?
Nekeza da inspirazio eza
Ganorak saihesten nau
Antzematen nauenean
Baita inguruan
Somatzen ez banau ere
Minutu bi beharko nituzke
Paper zuri baten aurrean
Trabatze hau libratzeko
Baina atzo guztiak erabili nituen
Zure izena mila bider idazteko
Zure izena mila bider oroitzeko
Zure izena mila bider ahazteko
Azkenik, mila bider
Ezabatzeko
