Ayam Bahenelha

أيام بحنلها وعدت شايلة لينا كتير أيام كان ماليها الخير دي أحلى أيام (دى أحلى أيام) كانت حلوة لمتنا، شوارعنا، وريحة بيتنا كانت م القلب ضحكتنا آه يا سلام واحشني أقوم على الراديو وأنا مفزوع كانت مقصودة من أبويا عشان نصحى ولما أرجع على أمي واقع م الجوع وفرحتنا ساعة ما تقرب الفسحة وفرحة لما ببقى أنا شاري لبس جديد وأول ليلة علمني أخويا أسوق ولمة ليلة الوقفة وصلاة العيد وقعدتنا على قهوة في باب اللوق وكنت كمان في لعب الكورة بتلكك وأنادي حبيبتي تتفرج يجيلي جنان فبعمل فيها مارادونا وبتفزلك قصاد الجون بضيع يجي ست أجوان ولما بكون مع صحابي رايح الأستاد هروح إزاي ولا في جيبي كام ماهيش فارقة هروح إنشالله متشعبط واخدها عناد وصوتنا يروح يا دوب من دخلة الفرقة بحن لأحلى أيام فات عليها سنين وناس راحوا ولسه في قلبنا عايشين وكنا كمان لفيلم السهرة نستنى ونتلم بسوداني ولب مع قهوة وضحكتنا بتطلع واصلة لجيراننا ونومة أخويا وسط الفيلم على سهوة يقوللي أبويا: "يلا نشيله لسريره" ويطمن عليه ويبوسه كالعادة أبويا اللي الحياة دي ما تحلى من غيره بنتدلع عليه ورقبته سدادة بحن لأحلى أيام فات عليها سنين وناس راحوا ولسه في قلبنا عايشين أيام بحنلها وعدت شايلة لينا كتير دي أحلى أيام كانت حلوة لمتنا، شوارعنا، وريحة بيتنا كانت م القلب ضحكتنا آه يا سلام بحن لأحلى أيام فات عليها سنين وناس راحوا ولسه في قلبنا عايشين