Auf der schwäbsche Eisebahne
Gibt es viele Haltstatione
Stuttgart, Ulm und Biberach,
Meckenbeuren, Durlesbach
Trulla, Trulla, Trullala
Trulla, Trulla, Trullala
Stuttgart, Ulm und Biberach,
Meckenbeuren, Durlesbach
Auf der schwäbsche Eisebahne
Gibt's au viele Restauratione
Wo ma esse und trinke ka
Elles was der Mage mag
Trulla, Trulla, Trullala
Trulla, Trulla, Trullala
Wo ma esse und trinke ka
Elles was der Mage mag
Auf der schwäbsche Eisebahne
Wollt amal a Bäurle fahre
Goat an Schalter, lupft der Hut
"Oi Billetle sen so gut"
Trulla, Trulla, Trullala
Trulla, Trulla, Trullala
Goat an Schalter, lupft der Hut
"Oi Billetle sen so gut"
S'Bäurle hat ein Böckle kaufet
Und damit's ihm net fort laufet
Bindet es der gute Ma
An den hindre Wage na
Trulla, Trulla, Trullala
Trulla, Trulla, Trullala
Bindet es der gute Ma
An den hindre Wage na
"Böckle musch jetz woidle springe"
"S'Futtr will i dir scho bringe"
So schwätzt unser Bauersma
Hockt druff zu seim Weible na
Trulla, Trulla, Trullala
Trulla, Trulla, Trullala
So schwätzt unser Bauersma
Hockt druff zu seim Weible na
Wie der Zug nur wieder staut
Und er nach seim Böckle schaut
Findet er bloß Kopf und Soil
An dem hindre Wagetoil
Trulla, Trulla, Trullala
Trulla, Trulla, Trullala
Findet er bloß Kopf und Soil
An dem hindre Wagetoil
Und des Bäurle voller Zore
Packt den Geißbock bei den Ohre
Schmeißt en was er Schmeiße ka
Dem Kondukteur an Ranze na
Trulla, Trulla, Trullala
Trulla, Trulla, Trullala
Schmeißt en was er Schmeiße ka
Dem Kondukteur an Ranze na
Des ischs Lied vom selbe Baure
Der sein Geißbock hat verlaure
S'Böckle hat ein traurigs End
Himmel Schtuegart Sapperment
Trulla, Trulla, Trullala
Trulla, Trulla, Trullala
S'Böckle hat ein traurigs End
Himmel Schtuegart Sapperment
So jetzt wär des Liedle gesunge
Hat's euch recht ind Ohre klunge?
Stoßet mit de Gläßer a
Auf's Wohl der schwäbschen Eisebahn
Trulla, Trulla, Trullala
Trulla, Trulla, Trullala
Stoßet mit de Gläßer a
Auf's Wohl der schwäbschen Eisebahn
