Nar sco 'na zappa
Va'l da port'oura
Cha'l vent da coura
Vegn da port'aint
Quaint, cotschna da la rabgia,
Sa duonna
Chi cloma amo davo:
Bun shi va, toc salam!
Cun schlantsch
Driva'l la porta d'ustaria
Là, ingio cha'l d'eira
Tschantà pac avant
Vi da maisa amodüna
Ils trais sochis cun biera
E güsta per partir
Anna-Maria
Ed ella disch:
Id es tard, eu stögl ir
Ed ad el nu reist'oter sco dir:
Oh, che puchà
Be na ir fingià uossa
Reista amo ün pa
E piglia la prosma posta
Nus vessan amo bler
Uschè bler da'ns quintar
Nu voust restar?
Taidla, disch'la
Sventulond la cigaretta,
Eu sun persvasa cha vin chà
Marietta at spetta
Ed eir sch'eu stögl dir
Ch'eu restess gugent amo ün pa
Ma sast, eir eu n'ha qualchün
Chi spetta a chà
Ed ella disch:
Id es tard, no stain ir
Ed ad el nu reist'oter sco dir:
Oh, che puchà
Be na ir fingià uossa
Reista amo ün pa
E piglia la prosma posta
Nus vessan amo bler
Uschè bler da'ns quintar
Schi di, nu voust restar?
Oh na, che faina uossa?
Restaina amo ün pa
Scrivain üna megldra strofa
üna da quellas
Chi vegnan be da sai
üna ingio cha tü restast pro mai
