Fil Sama

الحفلة زحمة مليانة وشوش كتير أعرفها خِلان وأعمام وأسمي لسه صعب أنطقها عشرة ومحبة واضحين ما بين الناس حواليا بيقولوا ده عيد ميلادي، الحفلة دي معمولة ليا ما بين كتير هدايا كان جواب مبعوت لأسمي مكتوب عليه بخط أمي لحبيبي ابني طب ليه جواب ما أنتي جنبي دايمًا طول الوقت؟ بلاش لماضة بقى، افتح جوابك لو سمحت قالتلي في الجواب: "كل سنة وأنت زيي ما أنت جوه قلبي في المكانة ما لكش زي تكبر وأشوفك زي ما أنت عايز تبقى عايز كده أو كده حبيبي ولكلام جوابي حاسس" وكبرت أكتر وسنيني زادت عن صوابعي عصبي وصوتي عالي أمي خافت يبقى طبعي فقالتلي: "يا ابني خلي بالك دايمًا من كلامك الكلمة سيف يا تقل منك يا تزيد مقامك" وفي يوم رجعت من المدرسة متبهدل من التراب وسألت: "إزاي الغدر ممكن يجي من الصحاب؟" وحكيت لها الخناقة وسمعتني بكل صبر وقالتلي: "لما تهدى أبقى أقرا من أول سطر" كانت كاتبة لي جواب عن الصحاب والجدعنة وقالتلي: "اختار اللي يقول إحنا بدل ما يقول أنا واعرف إن الصحاب لا بالكترة ولا بالعدد في الشدة هما إتنين تلاتة عليهم تعتمد" في السما بشوفك لما الدنيا بيا تضيق وفي الليل بحكيلك عن كل قديم وجديد في غيابك دايمًا جنبي، كلامك محفور في قلبي رسالتك مش بس كلام، رسالتك إنسان أكونه وكبرت أكتر والدنيا كبرت أكتر بيا وبدأت أحس جوه مني إحساس جديد عليا فحكيتلها عن أحلى بنت في الجامعة كلها وصفتها لأمي قلت: "ما شفتش زيها" مش عارف أقولك إيه بس شكلي بحبها قالتلي: "احكيلي عنها أكتر قولي اسمها" "مش عارف وما تضحكيش عليا أنتي كمان" متسرع علطول مدلوق من صغري من زمان فقالتلي: " أهم حاجة لما تحب لازم تقدر تعرف قيمة حبيبتك ولأحلامها إياك تكسر وما تستعجلش قول الكلمة لما تحسها واوعاك تخبي عنها حاجة دايمًا قولها" عدت سنين كتير وشوفتي ولاد ولادك رغم الفراق ما بيننا عمر ما عيد ميلادي فاتك بتجيني في كل فرحة وبرضو لما تضيق عليا أنا مش مصدق إني عمري ما شفتكيش بعينيا ربي اختارك تكوني جنبه وأنا لسه في اللفة أكيد مكانك أحلى وأنا مبسوط لك، أنتي عارفة فكتبتي ليا وحدي يجي ألف جواب وقصة بتحاولي تعوضيني عن اللي فاتني واللي لسه بس أنتي بتوحشيني، بتمنى تكوني قربي طول عمري بحس بيكي فكان نفسي تحسي حبي سمعاني أكيد يا أمي وأكيد كمان شايفاني لو مش شايفك بعيني فقلبي شايفك من مكاني في السما بشوفك لما الدنيا بيا تضيق وفي الليل بحكيلك عن كل قديم وجديد في غيابك دايمًا جنبي، كلامك محفور في قلبي رسالتك مش بس كلام، رسالتك إنسان أكونه