Credits
PERFORMING ARTISTS
Chjami Aghjalesi
Performer
COMPOSITION & LYRICS
J.M. Pesce
Composer
Croce
Songwriter
Lyrics
Da e ripe ventose
Di le streme cunfine
Duve lu mare estrosu
Abbatte le so ire.
Sin'à li monti interni
À li sproni minacce
Duve li nuli infermi
Appendenu e so bracce.
Hè u listessu paese
Ch'accende li mio sogni
A Cuscenza di tè!
Da i vechjetti à spassu
D'un tempu impulveritu
Cum'è un ritrattu passu
Più giallu chè culuritu.
È da ogni zitella
À l'estru ghjucarinu
Chì per fà fatalella
Azzinga u so pendinu.
Da l'avvene piattatu
D'un stracciu da straccià
Chì ne asconde u pattu
Ch'eu devi imaginà.
Da l'avvene cumunu
Ch'elli ci anu toltu
S'ellu ne ferma unu
U fruttu serà coltu.
Hè u listessu paese
Ch'accende li mio sogni
A presenza di tè
O Corsica
Lyrics powered by www.musixmatch.com