Monte vas cançoneta ?

Tòrna sonar la guitarra, Ti fa d'ondas dedins l'èr. Quand la cançon desamarra, Si va libra dins lo ser. Per caladas, per carrieras, Lòng dei quèis, davant lei bars, Raja coma una ribiera Totjorn vers la mar. Monte vas? Monte vas ma cançoneta? Monte vas? Òc te'n vas Coma lo fum de mon pintaç. Leis ombras de la placeta, Mai leis agruas dau pòrt Fan de danças d'estarletas, Subran presas d'estrambòrds. Lei plumas de la gabiòta, La branca dau romanin, Lei gambas de la minòta Sautan dins lo trin. Monte vas? Monte vas ma cançoneta? Monte vas? Òc te'n vas Coma lo fum de mon pintaç. Grata, va li jovent, grata, Fau de nòtas per viatjar. Per bolegar fau de patas Perque siam pas encara arribats. Ma cançon coma una barca Dins la flamor dau tremont, Va, navèga sensa carta Fins qu'a l'orizont.