Lyrics
阿姆一下著驚著 話頭長透講啊喔
啊喔啊喔逐日講 聽來親切有味道
啊喔實在還孤盲 哪隻猴仔搞番火
聽著阿姆大聲胲 趕緊走去尋阿婆
啊喔還在廳下坐 煞煞好去寫功課
阿姆講話無大聲 還吂發譴算輕可
這擺考試好毋好 數學分數有幾多
啊喔正考六十零
頭那犁犁遽認錯
阿姆一下感動著 話頭長透講啊喔
啊喔啊喔逐日講 聽來生趣又和挼
啊喔買恁多水果 林果水梨摎葡萄
阿姆歡喜笑洋洋 多食果子身體好
阿姆盡愛聽山歌 阿喔仰般恁笑科
燭台本身錫做个 借問阿哥有錫無
阿姆个啊喔
阿姆个啊喔 有分嚴重摎輕可
阿姆个啊喔 還會牽聲當笑科
阿姆个啊喔 試著當久無聽著
阿姆呀啊喔 盡有客家个味道
阿姆話頭講啊喔 自然鬆爽像唱歌
啊喔啊喔逐日講 當有味緒心情好
現下故鄉客家莊 毋係華語就河洛
盡少聽著客家話 還較無人講啊喔
從細總知講華語 較大兜仔學英語
一種外語嫌忒少 再過去學日本語
阿姆个話走哪去 毋願客語成回憶
一九八八十二月 客人抗爭還母語
客話當靚莫嫌棄 其他語言無好比
祖先智慧傳下來 諺語令仔當生趣
愛救客話不容易 隨時隨地係時機
大家共下來打拼 尋轉客話个意義
阿姆个啊喔 有分嚴重摎輕可
阿姆个啊喔 還會牽聲當笑科
阿姆个啊喔 試著當久無聽著
阿姆呀啊喔 盡有客家个味道
阿姆个啊喔 有分嚴重摎輕可
阿姆个啊喔 還會牽聲當笑科
阿姆个啊喔 試著當久無聽著
阿姆呀啊喔 盡有客家个味道 个味道
Writer(s): Lian Qin Kim Qiu, Mei Yan Chen, Tong Da Su
Lyrics powered by www.musixmatch.com