Tornu dissi amuri

Mi dissi "Tornu" Tornu, avìa dittu amuri La so vuci ora l'annaca 'u ventu È da ddu jornu ca nni spartìu lu tempu Un battu, un vaju, sugnu 'nu roggiu fermu Cu s'av'a spartiri parti Cu s'av'a teniri teni e teni Cu s'av'a perdiri perdi Cu s'av'a chianciri chianci Iu no Ca nun chianciu, no Ma siddu pari è ca chiovi Notti vacanti La notti di l'insonni Lu me cantu camora si l'agghiutti E 'stu silenziu comu lu viu affuddari Di tutti li grida ca vulìa accupari Cu voli priari Macari ca nun cridi pari fedi E cu voli abbanniari Quagghiari lu duluri in un gridu sulu No Ca iu nun gridu, no E siddu pari è chi cantu E cu s'av'a perdiri perdi Cu s'av'a chianciri chianci e chianci Cu s'av'a spartiri parti Cu n'av'a moriri mori Jornu pi jornu Quali ca fussi 'u tempu M'addumava la luci do su lampu E ora ca chiovi Isu la faccia 'u cielu Ca larmi e sbrizzi 'nsemi Parunu un ciumi sulu