كل الغلا ياللي مقامك ما يهون
ود ومحبه باقية طول الـــــزمان
تسلم لنا ياراعي القلب الحنون
يابوي يارمز المـــــــحبة والأمان
يابوي ما يوصف احاسيسي كلام
البر بك واجب وقــــــــيمه والتزام
وصي بك الرحــــــمن خلاق الانام
في مــــــــحكم القران آيات وبيان
عشاننا يابوي واجهت الـــــظروف
عشان ما نحزن ولأضيقه نشوف
وانتا معانا ما نحس باي خـــــوف
دايم شعورك وابتسامتك حنان
انت الوحيد اللي طموحه ان نكون
أفضل وأحسن منك يالغالي الحنون
كل الغلا والحب لعيونك يــــهون
يعجز عن التعبير في فضلك لسان
دامك معانا نشعر بكل ارتياح
تبحر سفينتنا وما تخشي الرياح
لك فضل بعد الله لو نلقي النجاح
يابوي يارمز المحبة والامان
