Quellu ch'ùn beie micca vinu
Nun pò sapè o Minicà
Quantu stu licore divinu
A noi ci face cantà
Quandu noi ci manghjemu un morsu
Pane è prisutu, o baccalà
Un pezzu di furmagliu corsu
U vinu lu face falà
O Ghjuvan Pà, o Minicà
Senza vinu ùn si po stà
O chì piacè
Ch'ellu ci face
È per l'avè
Salute è pace
Anc'à li rè
Ùn li dispiace
L'amanu tantu
Per diu Santu
Ch'ùn ama què
Ùn c'hè nisunu
Face piacè
Anc'à dighjunu
Eccu perchè canta ognunu
O chì piacè, o chì piacè
A figliola di Zia Rosa,
Ùn si vulia fà tuccà
Ella dicia chì l'amore
Era una calamità
Fattu l'affare à so cumare
Maliziosa li dumandò
Dimmi cumu trovi st'affare?
A zitella cusì cuntò
Cara cummà, carà cummà
Senza amore ùn si pò stà
O chì piacè
Ch'ellu ci face
È per l'avè
Salute è pace
Anc'à li rè
Ùn li dispiace
L'amanu tantu
Per diu Santu
Ch'ùn ama què
Ùn c'hè nisunu
Face piacè
Anc'à dighjunu
Eccu perchè canta ognunu
O chì piacè, o chì piacè
Fin' tantu chè nant'à sta terra
Amore è vinu, ci sarà
Perchè facci sempre a guerra
Perchè stirpà l'umanità?
Bivemu u vinu à tutte l'ore
Forza è curaghju ci derà
E po pinsendu à fà l'amore
Dolce Piacè Maria a sà
O Ghjuvan Pà, o Minicà
Amore è vinu è libertà
O Ghjuvan Pà, o Minicà
Amore è vinu è libertà
