Naghuhukay
'Di malaman kung may
Ililibing o hinahanap
Kinakausap
Mga multo ng kahapon at bukas
Binubura ang bakas
Isip, nagbago ulit
Ang binura'y muling ginuhit
Lupa ay bubunuin
Ang kawalan ay pupunuin
At hahagkan ang kahapon
Yayakapin ang ngayon
Alaala
Nais bang mawala ka na
Nang tuluyan?
Bakit 'di mabitawan?
Naghuhukay nang walang humpay
Kumpas ng luha ay sumasabay
Lungkot ay lalamunin ng dilim
'Di abot ng buwan ang ilalim
Lupa ay bubunuin
Ang kawalan ay pupunuin
Hahagkan ang kahapon
Yayakapin ang ngayon
Lupa ay bubunuin
Ang kawalan ay pupunuin
Hahagkan ang ngayon
Yayakapin ang noon
