Ek is nie altyd seker nie
Nie altyd vas oortuig
Wie se gevoelens eg is nie
Wie se intensies reg
Oordeel ek vinnig?
Besluit ek te gou?
Vooropgestelde idees
Oor jou, en oor jou
En oor jou, en oor jou
Los my skuldig,
En soms alleen
(Pre-koor)
Waar gaan ek heen
As die dae begin lank raak?
Waarheen in my onrustigste uur?
Ek kom na hier
Waar ek laatnag voor 'n koolstoof aan my siel skuur
Dis U wat word gebore uit die hart
Dis hier waar ek vanaand noukeurig luister
Vir die stem wat my soms ver van hier af vat
(Koor)
En ek loop kaalvoet deur 'n wêreld
'N Wêreld sonder grense
'N Wêreld sonder vrese
'N Wêreld sonder vrae
Waar niemand van iemand skinder nie
En niemand niemand pla
Maar mekaar wil dra
Ek het nie altyd vrede nie
Nie altyd rustigheid
Hoekom ek so geseënd is nie
Met liefde en min verwyt
Doen nie wat ek sê nie
En gee nie genoeg
Ignore soms my grootste vriend
En eerste besluite bevoordeel myself
Tog seën U my onverdiend
(Pre-Koor)
Buite my huis
Maak die reën alles skoon
Buite my venster waar ek woon
Is dit groen?
En die reën omhels die aarde met 'n klapsoen
Los die wange van die hemels papsopnat
En die son kom druk die aarde teen sy bors vas
En die grond drink voor hy als vir hom kom vat
(Koor)
En ek loop kaalvoet deur 'n wêreld
'N Wêreld sonder grense
'N Wêreld sonder vrese
'N Wêreld sonder vrae
Waar niemand van iemand skinder nie
En niemand niemand pla
Ons is nooit tevrede nie en niks is ooit genoeg
Besittings gee nie lewe nie
Die sonde maak ons moeg
Ons hoop lê nie in môre nie
Want môre het nie krag
Môre het nie wysheid nie
Genade vir vandag
Dis genoeg
(Outro)
En waar gaan ek heen
As die dae begin lank raak?
Waarheen in my onrustigste uur?
