غبرة د النجوم

بلاتي! جيتي مع الكذوب مواتي، جات معاك السياسة، لبستي قدك و واتاك أو بلاتي! المكسي بديال الناس عريان، و انت زبط دابا لينا كان كاتبان، من ديما كنتي مشخصاتي. و من التالي، ما كاتحشم و لكن كاتخاف من شاف شايفنا غير ضياف، شاد معاه الوضع الحالي. و مالي؟ ماندير راسي وسط الروس و نعيط أ قطاع الروس! ضحكة صفرا و غرس الموس! وا تا لعبة ما كاتدوم! انت و ديك الكرة اللي كاتعوم! غبرة د النجوم، غبرة د النجوم، غبرة د النجوم! قرب تشوف العجب! تا حاجة ما كيما فالليڤر! آش خسرتي إيلا زيرتي ليمن فاش توصل لڭيسر؟ و يلعن بوها قاعدة! ديما تابعين القاعدة! غير نقبعو فالقاع إذن، تانموتو تم بالقاعدة! دلالي درس مالين البالي: كل حاجة ليها ثمن و غدا يرخاص الغالي! ايه يا غزالي! كاتبان لينا مديكالي، بحال إيلا Tyler Durden لعبو رشيد الوالي! و مالي؟ ماندير راسي وسط الروس و نعيط أ قطاع الروس! ضحكة صفرا و غرس الموس! وا تا لعبة ما كاتدوم! انت و ديك الكرة للي كاتعوم! غبرة د النجوم، غبرة د النجوم، غبرة د النجوم! قرب تشوف العجب! تا حاجة ما كيما فالليڤر! آش خسرتي إيلا زيرتي ليمن فاش توصل لڭيسر؟ و ينعل بوها قاعدة! ديما تابعين القاعدة! غير نقبعو فالقاع إذن، تانموتو تم بالقاعدة!