Sinag ng Iyong araw sa 'kin ay gumigising
Yakap sa paglakad, hangin Mo na kay lambing
Lupa Mo ang sumasalo kapag nadarapa
Lawak ng 'Yong langit sa akin ay pumapayapa
Ikaw ang panyo 'pag ako'y umiiyak
Ikaw ang payong t'wing ula'y pumapatak
Ilaw Ka sa aking madilim na daigdig
Ikaw ang aking Diyos na sa aki'y umiibig
'Pag ako'y nauuhaw, tubig Mo ang panlunas
Salita Mo'y pagkaing nagbibigay lakas
Liwanag ng Iyong buwan sa gabi ay kapiling
Bit'win Mong kay ningning, bantay ko sa paghimbing
Ikaw ang panyo 'pag ako'y umiiyak
Ikaw ang payong tuwing ula'y pumapatak
Ilaw ka sa aking madilim na daigdig
Ikaw ang aking Diyos na sa aki'y umiibig
Kabutihan Mo'y nakikita sa'Yong mga gawa
Pag-ibig Mo ay laging nadarama Salamat Ama
Dahil Ikaw ang aking Diyos 'pag ako'y umiiyak
Ikaw ang Diyos t'wing ula'y pumapatak
Ikaw ang Diyos sa aking madilim na daigdig
Ikaw ang aking Diyos na sa aki'y umiibig
Ikaw ang aking Diyos na sa aking iniibig
