Rei De La Luna

Ai enregat lo carrairon Que me disián menar Vèrs la dralha reiala E tu tanben n'agantes un Trepadissa cambada En subre dei rodans Ai estrassat ma ropa Ai bartassadas E ponhut de sang viu Tot un lòng pergamin Dirai un mòt vengut de ren Siáu lo rei de la luna Siás reina de la feruna Siam leis armas de l'amarum Leis aigas de la paluna Leis anges deseparats De ce que pareis sens masca Siam leis èssers parats Dei plagas de sa majestat dei moscas Siás regina de lutz Siáu rei de gaire pus Siam enfants de mon taisum Enfin l'aire de tu Lei reires e sei parents D'aquestei paraulas foscas Son leis inseparats: Lo sèns aparat dei mòts Que naissan dins ma boca Tèxte a cordurar de seda Terra veusa tèsta seca Lèst per madurar la lenga Dins la seuva pas de deca Ma man coma la leca de lei E dins mon còr pausi cada mòt Dins un parlar d'eleit Siáu lo rei de la luna Sobeiran deçauput Ancian saberut que saup pus Comptar leis estèlas èri dei gigants Qu'an pas paur dau lendeman Ara siáu un enfant Batèu sens vèla E sabi pas coma far sens èla Es coma per s'envolar sens alas Es coma perdre la vista Perdèri ma fortuna Sus de camins tòrts E ara dins mon còr I a pus gaire d'uman Vieu fugir lei gens E dins meis uelhs passa lo temps E siáu pus rei de ren Ansin s'acaba mon cant Siáu lo rei de la luna Siás reina de la feruna Siam leis armas de l'amarum Leis aigas de la paluna Leis anges deseparats De ce que pareis sens masca Siam leis èssers parats Dei plagas de sa majestat dei moscas Siás regina de lutz Siáu rei de gaire pus Siam enfants de mon taisum Enfin l'aire de tu Lei reires e sei parents D'aquestei paraulas foscas Son leis inseparats: Lo sèns aparat dei mòts Que naissan dins ma boca Parli dau mau de ma lenga De tu que t'aluenches Dei fremas valentas E dei mòts de l'amor que va luenh ò nineta faguem lei maletas Podem partir ensems èstre inchalhents ò polida siguem lèstes Fau que pus ren nos arreste Dins un chale nupciau La calor de Caiena E la lutz egipciana Quand èri minòt Coma per oblidar Dins un sòmi calent Que siam eliminats Dins un chaple viciós E pas televisat Siam lei reis de l'arena Transformats en betum Porriam partir e sens Patir ensems E sensa perdre de temps Viure simpatic Porriam se fisar Mai en pratica Parlam dau mau que nos tanca De ieu que m'estaqui De tu que t'escapes De se remembrar lo temps Qu'èri rei d'Itaca Siáu l'òme dei mila torns Aimi lo temps passat embé tu Siás regina de l'iscla Ai popas liscas siás ma Calipso Per lei mars passèri tant d'anciás Per tornar veire teis uelhs Aguèri tant fe, faguèri tant cants L'amor de luenh deis temps ancians E siáu pus ren de tot Vist que siáu pus rei de tu. Siáu lo rei de la luna Siás reina de la feruna Siam leis armas de l'amarum Leis aigas de la paluna Leis anges deseparats De ce que pareis sens masca Siam leis èssers parats Dei plagas de sa majestat dei moscas Siás regina de lutz Siáu rei de gaire pus Siam enfants de mon taisum Enfin l'aire de tu Lei reires e sei parents D'aquestei paraulas foscas Son leis inseparats: Lo sèns aparat dei mòts Que naissan dins ma boca Auriáu aimat de te donar la man Quand ton cèu se fai bas, mon amic Quand lo freg monta e te nèga lo còr E t'escana la vòtz e lo crid