Wiud, grimmig und wuëtig si mir
Wüu dur weits ja nid anders i öirere Lugi
Drum tüet guet häreluege u sit ehrlich zu öich säuber
Wüu nume so cha öji Wäut sich zum Bessere wände
U das mues si u das mues sii
Wüu dir d Verbindig zur Gaia
U aune Wäse wo öich umgä
Heit verlore
Die wome gseht u o die wome nid gseht
Mit dä üssere Ouge.
U aues nume wäge öine Taler
Wo dr jaget, aus chönnter dir die ässe
Aues wo dir gseht isches Hirngschpinscht
U das nämet dir für ds wahre Läbe, für d Wahrheit
U drum si mir Schätte so wiud u grimmig
U das blibe mir, solang dir umnachtet sit
U drum si mir Schätte so grimmig und wüetig
Wüetig
So richtig hässlech wüetig
