Credits
PERFORMING ARTISTS
Ali Jita
Performer
COMPOSITION & LYRICS
Ali Jita
Songwriter
Lyrics
Amarya share hawaye bar kuka
Amarya ga kidanki kin farka
Kinga aure shi yasa ki kin girma
Arziki ne a duniya ake nema
Inda kauna zaman gidanki ba fama
Addu'a ta Allah ya kare yan gulma
Babu wai wai mijinki gashi mai girma
So da kauna shi yasa da alfarma
Shi yana sonki kin aminta ai kema
Shimfidar fuska ta wuce ta tabarma
Sannu amarya gidan miji akwai dadi
Kinga amarya a zantukanmu ba kaudi
Kiji amarya kar batunmu yai fadi
Karki damu babu sidi ba sidi
Babu karya cikin gyada akwai gardi
Mai misali kantu yake kira ridi
Naji labari a baya anka sha fama
Da magauta da tsegudidi yan gulma
Kwanci tashi sun sallama a yau suma
Rayuwa ce haka duniya ake fama
In fada ne nasara tana wajen kurma
Anyi auren magauta sun sani suma
Har wa yansunsu sun shigo bikin suma
Ga ido fes a zuciya suna kuka
Ba kamanni farin sugar cikin laka
Ga hakora ga zuciya tana tuka
Yanzu an kammale ginin ana jinka
Amarya amarya lokaci yayi
Ke Amarya amarya zamani yayi
Mu muna dariya wadansu na kuka
Munbi Allah su sun biyewa yan girka
Addu'armu muke su suna biye boka
Lokaci ne kowa da lokacin sa
Zamani ne kowa da zamanin sa
Ai kamar wane kunga bata wane
Mai abin biki dan yaje biki ne
Mai karatu ganin mu malami ne
Mai kwatance ganin mu dan gari ne
Da kunga qura zuwa na ayari ne
Toh arziki dai ashe jinin jiki ne
Kuma mijinki mun gane jarumi ne
So da kauna sanadin farin zama ne
Sannu amarya amarsu lokaci yayi
Sannu amarya amarsu zamani yayi
Daina kuka mijinki ba rago ba
Kumah bazai karya dukka alkawar ba
Kumah bazai sha idan baza ki sha ba
Kumah bazai bacci in idonki bai ba
Kumah bazai kwana inda babu ke ba
Ya ce, "Ba zai kara miki kishiya ba"
Lyrics powered by www.musixmatch.com