Gu gazte giñadela
Txalupa guziak
Txakurtxo bat oi zuten
Ontzi barrenian
Begi-erne, abill
Etzan zaunkaria
Iges zijoan arraia
Arrapatzallea.
Seme, esango dizut
Nola gertatzen zan
Puûittutako arraia
Suelto... batzuetan
Legatzak, ospa! iges...
Txakurra, jauzten zan
Ta bet-betean arraia
Artzen zun ortzetan.
Lana orren saria
Zakurren partia
Deitzen genion guziok
Ongi merezia!
Maitea, maitea zan
Zakur eiztaria
Txalupa betetzen zun
Anima gabiak...
Unea etorri da
Zuri kontatzeko
Zer nolako txakurra
Zen gure "Txuritxo"
Auin izugarriak
Etzun izutuko
Arraia utzi baiûo
Lenago itoko.
Goiz itsusi batean
Ez naiz ez aztuko
Bere lana beteaz
Jauzi zan "Txuriko"
Baga aundi artean
Eiza...! ez utziko!
Legatz aundi batekin
Ito zan betiko.
