Credits
PERFORMING ARTISTS
Lou Monte
Tenor
COMPOSITION & LYRICS
George Brown
Composer
Luigi Donadio
Composer
Lyrics
Sperduto comm'a cane 'mmiez'â via,
chiagne stu core mio addulurato...
Smuóvete pure tu, Madonna mia,
pecché na 'nfama sulo mm'ha lassato...
Vurría murí: só' troppo sfurtunato!
Mme pare da vedé cu 'o manto 'e sposa,
cu 'a vesta janca e 'a faccia culor rosa...
se 'mmeretava, quann'essa è spusata,
na botta ô core... chella scellerata!
E, muorto 'e friddo, jètte â casa mia...
truvaje 'a lampa ô scuro, chella sera...
cantava na civetta 'mmiez'â via...
e mamma, dinto lietto, ca mureva...
Io mme facette cchiù ghianco da cera!...
E tu redive, 'nfama, pe' dispietto...
mentre stu core mme sbatteva 'mpietto...
Tu chiena 'e sciure 'arancio... ch'allegria!
Io senza mamma... che malincunia!
Mo ca só' sulo e nun tengo a nisciuno,
io penzo a mamma mia ô campusanto...
mme struje nu penziero... stó' dijuno...
mme faccio 'a croce e mm'ammalisco tanto
ca st'uocchie mieje se 'nfónnono cchiù 'e chianto...
Mm'arraccumanno a te, Madonna mia,
primma ca cchiù mm'accresce 'a pecundría...
si nenna mia e mamma aggiu perduto,
meglio ca i' moro... troppo aggiu chiagnuto!...
Meglio ca i' moro... troppo aggiu chiagnuto!
Writer(s): L. Donadio
Lyrics powered by www.musixmatch.com