Karv
Ta slana kmetska, stubičanska karv
Ta čarna, čerlena
Vanjhava gosta karv
Zakaj curi ta gluha, masna, slepa
Strahotno mlačna karv?
Kmična, gliboka, čemerna
Kam, zakaj kaple kri?
Gospon Huetstockher, za pet ran božjih
Kaj hočeju od mene?
Karvju su mojom poškropleni
Te hiže si juristerajski vogli
Zakaj sme se stali?
Kaj druge nisme znali?
Kaj druge nisme mogli?
A kaj sme mogli?
Kaj priznati im imam?
Lesice, tice imaju svoj stan
A sin človeči, gde bi položil glavu, nema
Kerv ne da mi zaspati
Kerv nemre spati ni zaspati nigdar
Kak čmela žge i peče
Kerv teče kak voda, kak cesta
Kak melin klopoče, teče
Mi gremo za njom
Za glasom kervi naše
Negdo v mesečini s kervavom plahtom maše
Negdo v daljini kmičnoj lampaš nosi
Fratri, suci, hahari, larfonosi
Kerv gori, Sveti Križ gori
Zabok gori, Celje se dimi
Kak zvono na jogenj kerv kervavo zvoni
