Khod El Kholasa

خد الخلاصة، ابن الناس جدعنته في دمه جينات ووراثة والمتعاص بيشوف الناس كلها متعاصة خد الخلاصة، الجدع الجد اللي يحل الموضوع بسياسة الجدعان عندها أخلاق عمر الغدر ما يبقى فراسة الفاهم ساكت ما بيرغيش بكلام وخلاص أما اللي بيرغي على الفاضي حلنجي وهجاص الناس تعرفها في غربة، في كرب، في ضيق بتبان إنما غير كده لا مؤخذة كلام وخلاص كلها جدعان هز الغُربال شوف الأبطال هتلاقي شنبات وعتولة لكن في الشدة عيال خد المفيد لا هعيد ولا أزيد خليك للكل قريب لكن خلي الكل بعيد بص لقدام خلص الكلام خليك عايش في الواقع، سيبك من شغل الأفلام خليك شواف، قدر تتشاف إنما هتعيشها لنفسك الناس هتشوفك شفاف واللي فاتك مش بتاعك عيش حياتك وابتسم بالسلامة لكل واحد كان عليك بيترسم ألف أهلًا للي صانك وفي غيابك قدرك إوعى تدي أي فرصة لأي حد يكسرك سهل جدًا تبقى خاين، سهل تخدع أو تغش صعب تبقى بوش واحد، سهل تبقى بألف وش خلي بالك في الزمن ده الجدع ما تخسروش الأصيل إياك تبيعه ده الفلوس ما تعوضوش صحبك وحبيبك ع الخير دايمًا هيوديك لو شافك واقع هيميل ويشد إيديك مش أخوك ولا منك ده عدو اللي في شر راميك لو شافك واقع صدقني راح يشمت فيك عاملين إخوات اعمل مسافات في الأول كله مثالي بعدين هتخش في متاهات إلعبها نضيف خليك حريف عاوز ربنا يسترها إياك تيجي على ضعيف كلنا من طين هتعيش على مين داين تدان وأهو كل واحد بياخذ له يومين اثبت ما تخافش يعيبوك ما تعيبش الدنيا دي لو ضحكت لك خليك راجل ما تخيبش واللي فاتك مش بتاعك عيش حياتك وابتسم بالسلامة لكل واحد كان عليك بيترسم ألف أهلًا للي صانك وفي غيابك قدرك إوعى تدي أي فرصة لأي حد يكسرك سهل جدا تبقى خاين، سهل تخدع أو تغش صعب تبقى بوش واحد، سهل تبقى بألف وش خلي بالك في الزمن ده الجدع ما تخسروش الأصيل إياك تبيعه دي الفلوس ما تعوضوش