Efe y ayajrad

A lfahem ad ak-nesteqsi Ɣef lğil n At Qasi Ur yeḥkim ḥedd akken llan, Si tizi alamma d tizi ḥedd ma ad ten-iεaṣi S lbarud i tt-id-ḥellan, Asmi i sen-irad s trusi Cituḥ d iɣisi Cci-nsen yegrad gar yiḍan... Ffeɣ ay ajṛaḍ tamurt-iw Lxiṛ i d-tufiḍ zik yemḥa, Ma d lqadi i k-yezzenzen Awi-d laεqed ma iṣeḥḥa... Ay axxam tedduri tmurt Sseqf-ik yecteḥ yeεra, Yal tamaṭ a d-tesrugmut Xerben lexyuḍ deg uẓeṭṭa, Liser ur t-id-bedder xas rut Ayes-it ur d-iberren ara, Widen ad ak-id-yağğwen ttbut Ffɣent-asen tirga mxalfa, Ffeɣ ay ajṛaḍ tamurt-iw Lxiṛ i d-tufiḍ zik yemḥa, Ma d lqadi i k-yezzenzen Awi-d laεqed ma iṣeḥḥa... Win ara tt-ifrun ulac Yexleḍ, yemcubbak yixef-is, Seg uɣilif fesden warrac Ur yaεqil baba-s mmi-s, Caren ɣef lqum n-rbaεtac Win i d-itedun akter-is, Uglan mi sden i tkerrac Aḥezeb ihujer amḍiq-is, Ffeɣ ay ajṛaḍ tamurt-iw Lxiṛ i d-tufiḍ zik yemḥa, Ma d lqadi i k-yezzenzen Awi-d laεqed ma iṣeḥḥa... Yal yiwen akken i d-isewweq S leqrar ur d-glin ara, Ddel yečča-d lecqayeq Iḥar ad yeṭṭef tasga, Neḥḍer i tegmat tefreq Srebḥen-tt tefra rreḥba, Yettban wass-agi ad yelḥeq Yeḥsel wexlul di lɣiḍa... Ffeɣ ay ajṛaḍ tamurt-iw Lxiṛ i d-tufiḍ zik yemḥa, Ma d lqadi i k-yezzenzen Awi-d laεqed ma iṣeḥḥa... Texuxed tegmat tuḍen A tḥefu am yeẓra n wasif, Teṣber i way d-ittṣaṛen Tettagad ad as-tebru i nnif, Tiḥemmal i d-yenneɣlen Ɛebant-as yal d aɣilif, Itij-is ara d-yecrurqen D netta ara as-yeskawen adif... Ffeɣ ay ajṛaḍ tamurt-iw Lxiṛ i d-tufiḍ zik yemḥa, Ma d lqadi i k-yezdenzen Awi-d laεqed ma iṣeḥḥa...