I schoit jetz wieda an Gang runter
Hob in letzter Zeit nur no funktioniert
Mei Lem hod se nur no um mein Job draht
Und jetz hob's i endlich a kapiert
Du warst so überzeugt von dem wos du duasd
Und du warst dir sicher du hosd recht
Des is dei Ziel so muas des sei
Doch dann hob i di gfrogd: "wuisd du des echt?"
I woas echt ned wia's so weit kemma is
Mia ham uns so oft unterhoidn
Und du hosd gsogt, dass i mi so veränder
Doch i hob imma nur meine Augn zuaghoidn
Ja i erkenn di echt kaum wieda
Hey - Du schaust so anders aus wos is passiert?
Statt am Shirt von Gabbana trogst du jetz oans von Nirwana
Hey du hosd di nei programmiert
Funktion statt Emotion macht doch echt koan Sinn
Des tausch i ned erst wenn i 60ge bin
Komm sog JA zu ollem wos du bist
Und du merkst schnei wie sehr du des vermisst
Komm sog NA zu dem wos'd für andere duasd
Und dann findst du des wos'd scho imma suachst
Mia ham scho imma gern moi Gas gem
Einfach drauf los so wia's grad kimmt
Hosd mia echt lang gnua dabei zuagschaut
Und dir oft gnua dacht der Typ do spinnt
I wui nimma wandeln wie in Trance
Und trommel alle meine Kumpels zam
Es is wieda Zeit mei Balance zum findn
Denn mia is klar woan wos i versamm
S' Lem aufsaugn wie a Schwamm macht doch echt voi Sinn
Des mach i so lang bis i nimma bin
Komm sog JA zu ollem wos du bist
Und du merkst schnei wie sehr du des vermisst
Komm sog NA zu dem wos'd für andere duasd
Und dann findst du des wos'd scho imma suachst
Wui nua des scheene im Leben seng
A Monat ohne Handy lem
Und an Selbstversorgerurlaub macha
Bei olle Freind vorbeischaun
Und a eigenes Studio baun
Liaba z'oft ois z'wenig lacha
In 50 Jahr sitzen wir uns dann wieda zam
Und dringan auf olles wos wir erlebt ham
Komm sog JA zu ollem wos du bist
Und du merkst schnei wie sehr du des vermisst
Komm sog NA zu dem wos'd für andere duasd
Und dann findst du des wos'd scho imma suachst
Ohohohoh ...
