Amor mio che ti xe rivada
Da lontan come na sirena
A cercar sto leon in barena
In moeca, co le ali serae
Amor mio che ti vien da Napoli
Dolse e bela più de tuti i zogatoli
Spiritosa e un fià impertinente
Ti me fa le gatarigole al cuor
Mi te amo e de amarte go vogia
El me cuor e li me oci li te brama
Bona come la to parmigiana e sfissiosa
Come na sardela in saor
E te amo anca co ti xe mogia
E la giornada la xe 'ndada storta
Co tornemo a casa seremo la porta
E se consolemo mi e ti
Amor mio che ti parli strano
E ogni tanto no se capimo
Mi te strenzo un fià più vissino
Par spiegarte che te vogio ben
Amor mio che ti parli tanto
Vogio che ti me scolti e ti tasi
Par impegnir la to boca de basi
Co sarà finìa sta canson
Amor mio che no se pol dire
Massa grando par farlo capire
Un diamante, na rosa
Par sempre la me sposa
O semplicemente
Mio amor
