وأديني سيبته وشوفت أهو محصلش حاجة
والوضع فعلًا مختلفش في أي حاجة
باكل، وأضحك، بشتغل، وأعمل كل حاجة
لأ، لأ مش زعلانة وكئيبة
مش ماسكة صورته وبتقهر زي العبيطة
ولا ماشيه وبخبط دماغي في كل حيطة
ما بردش عاللي يقولي كلمة: "جت بسيطة"
بعدك مش متصنف مصيبة
بالعكس حتى أنا حاسة مرتاحة وسعيدة
مطلعش إنها حاجة وحشة أعيش وحيدة
هبدأ حياتي بصفحة فاضية ولسه بيضا
وبشنطة شخصيات جديدة
أنا عارفة إنه زمانه ماشي يقول عليا
أنا واحدة شريرة وقوية ومفترية
"شايفين يا ناس الست دي عملت إيه فيا"
كدبك سامعاه من وأنا بعيدة
أسلوب كلامي طبيعي هيحير شوية
أنا قاسية ولا ده كله من كتر الأسية
لو حد عايز يعرف من فينا الضحية
يسأل عن مواقفنا القديمة
مقدرش أنكر إني لسه في جزء فيا
بيقوللي: "طب كنتي إستنيتي عليه شوية
متمثليش إنك عايشة طبيعي وعادية
متمثليش إنك سليمة"
بالعكس حتى أنا حاسة مرتاحة وسعيدة
مطلعش إنها حاجة وحشة أعيش وحيدة
هبدأ حياتي بصفحة فاضية ولسه بيضا
وبشنطة شخصيات جديدة
أنا عارفة إنه زمانه ماشي يقول عليا
أنا واحدة شريرة وقوية ومفترية
"شايفين يا ناس الست دي عملت إيه فيا"
كدبك سمعاه من وأنا بعيدة
