هخلع من كوكبنا اللطيف وهطلع المريخ
هبدأ تاني علي نضيف، restart يا تاريخ
زهقت من البني آدمين، مش قادر حوارات
روحت الحرفيين وعملت سفينة فضاء
هاخد الناس اللذيذة سوا سوا نتخبط
نتحرك من الجيزة، الرحلة one-way ticket
هننسي كل اللي فات وبدوسة نعمل skip
الوضع هنا مش ظريف وكله في bad trip
هحب واحدة فضائية
عينيها واسعة وراسها داوارية
زهقت أنا من الكورة الأرضية
قصص الحب كلها هي هي
هعمل حفل إفتتاح بتاريخ واحد واحد
والدخول للكل متاح كلنا هنبقي واحد
مفيش وقوف ع الباب، مفيش طبقات
هنسمع عمرو دياب وهنسمع مهرجانات
وعادي ولاد الذوات هيحبوا الحرافيش
مفيش بيننا خلافات كلنا سوا هنعيش
مفيش عقد نفسية، مفيش ناس غنية
مفيش ناس فقيرة رحلة جديدة للبشرية
وأحب واحدة فضائية
عينيها واسعة وراسها داوارية
زهقت أنا من الكورة الأرضية
قصص الحب كلها هي هي
