Stets i Truure mues i läbe
Säg, mit was han i's verschuldt?
Wül my Schatz isch und tröi worde
Mues i's lyde mit Geduld
Bisch mer zwar us mynen Ouge
Aber nid us mynem Sinn
Hättisch mir wohl dörfe gloube
Dass i treu, gewese bin
Rächti Liebi chunnt vo Härze
Rächti Liebi, die brönnet heiss
Oh, wie wohl isch's einem Mönsche
Wo nid weiss, was Liebi heisst
Spilet uuf, ihr Musikante
Spilet uuf, das Saitespiel
Mynem Schätzli zu Gefalle
Mögs verdriesse, wän es will
Oh, bis die Bärge sich tüe biege
U die Hügel sänke sich
Bis der tod mir nimmt das läbe
Solang will i liebe dich
Bis dr Mühlistei treit Räbe
U druus fliesst so süße Wy
Bis die Dischtle trage Fyge
Solang söllsch du blybe mir
Bis die Dischtle trage Fyge
Solang söllsch du blybe mir
