طول الوقت

طول الوقت وإنت بتخدع وأنا مش فاهم، سايب روحي وعايش واهم بتعيشني في دنيا جميلة بتسهرني ليالي طويلة كل يومين توعدني بوعد وبتحلف لي إن احنا لبعض كل ما نبعد ترجع تاني واتأكد لي إن إنت عشاني وأنا من طيبتي وطيبة قلبي صدقت طول الوقت وأنا في بحور أوهامك عايم قلبي يا عيني مغمض نايم فاكرك شط وبر ومرسى وكل ما تكذب أسامح وأنسى ماشي بكل عواطفي معاك، فاكر قلبك قلب ملاك وإنت بتزرع جرحي ويأسي وأنا بضحك على روحي ونفسي وكان لازم أفوق من وهمي، وأنا فقت ليه الحب يهون تخدعني وتخون ليه مقدرتش ليه معرفتش مرة واحدة تصون ليه الظلم حرام ليه كل الأوهام أفضل أداوي جراحك وأرجع وأنا كلي آلام ليه، ليه، ليه طول الوقت وإنت معايا في كل غرورك لسه مُصّر تكمل دورك لسه بتلعب دور الخاين بس برافو عليك مش باين كل ما أحس بغدرك يوم ترجع تاني تقول مظلوم أبدأ أصدق تاني دموعك وافرح تاني بطعم رجوعك أعمل إيه ما أنا جوة بحور الوهم، غرقت طول الوقت وقلبك خاين زي ما هو وأنا على وعدي بحب بقوة عمري ما كنت اتصور إنك كل الغدر ده يطلع منك أنا صدقني بجد حزين مش على هوى ولا شوق وحنين على أيام عمري اللي اتسرقت، على أحلام قلبي اللي اتحرقت بندم إني مشيت وياك، وبدأت بندم ع الإنسان اللي عشقته وخان اللي هويته واللي اديته كل شوق وحنان بندم ع المشوار اللي انتهى بالنار ما أنا وعيني وقلبي وروحي معرفناش نختار ليه، ليه، ليه طول الوقت وإنت بتخدع وأنا مش فاهم سايب روحي وعايش واهم بتعيشني في دنيا جميلة بتسهرني ليالي طويلة كل يومين توعدني بوعد وبتحلف لي إن احنا لبعض كل ما نبعد ترجع تاني واتأكد لي إن إنت عشاني وأنا من طيبتي وطيبة قلبي صدقت