Top Songs By Muslim
Similar Songs
Credits
PERFORMING ARTISTS
Muslim
Performer
COMPOSITION & LYRICS
Mohammed El Hadi M Zouri
Songwriter
Lyrics
بلا ما نهضروا على الطفـولة (بلاش)
حيت كانعقلوا غي على الرجولة (أه)
خلقنا تربينا وكبرنا فالزنقة اللي راسها دايما كانبوسوا لها
علمتنا بزاف واخا غولة (غولة)
الزنقة فالرحمة كسولة (كسولة)
قراتنا وطلعنا كانطيروا واخا فالمدرسة كانبانوا غي سطولة
والدينا كانوا غير ضعفا (ضعفا)
قنعوا بالحلال حيت شرفا (yeah)
خلاوا الدنيا كاتجري غي بوحدها، كانوا عارفينها غير خرافة
علاش حنا جاتنا ولافة؟
جاوبتنا الزنقة حيت شوافة
زمانا ماشي فحال زمانهم، هوما ما كانوشي مالفقر خوافة
شوف الوقت كيفاش تبدل
شوف بنادم كيف تبهدل
شوف الزمان اللي خلى الدمعة على خد الراجل تنزل
الحمق، الحبس، المحمل
غاتفكر فالرابعة تهبل
شوف لك كيفاش تجيب راسك فالزنقة وما تخلي حتى شماتة يترجل
الزنقة عندها قوانينها (قوانينها)
الدقة فالحيط ولا فينا (ولا فينا)
ويذا شوفتيني جايب راسي فيها، مكالي برضى يما لحنينة
الكاغيط تحكم فهاد المدينة (مدينة)
الحڭارة غادي يزطموا علينا (علينا)
والدراع اللي ما يجيبها بدراع معاهم، صاحبي قطعو (قطعو)
وسالينا...
حياتنا (حياتنا) غير كذبة (غير كذبة)
دازت (دازت) بالزربة (بالزربة)
قلوبنا (قلوبنا) خربة (خربة)
حيت الجوع (حيت الجوع) ولد الكلبة (ولد الكلبة)
حياتنا (حياتنا) غير كذبة (غير كذبة)
دازت (دازت) بالزربة (بالزربة)
قلوبنا (قلوبنا) خربة (خربة)
حيت الفقر (حيت الفقر) ولد الكلبة (ولد الكلبة)
الزنقة علماتني ما نخونشي
الثقة ما عنديشي فكلشي
كانموت مع صاحبي ويذا طلع شماتة كانـ liquider وما كانعقلشي
الزنقة علماتني ما نخافشي (ياه)
فيما جابتها الخبزة نمشي (ييه)
ها ديالك، ها ديالي، ما نسال لك، ما تسالني باش ما يبقى عجينك فكرشي (أه)
الصحاب اللي تقلبوا خونة (خونة)
غاتجيبوم الزنقة بالڭانة
كايقولوا لڭريمي والليل، وريوني فين هوما، ما كاينة ذبانة
كاينة علينا ولا معانا
وكيف كيف عندي أنا
والدنيا خليها كادور وكاتميل وكاتغني فحال شي سكرانة
الرجال كايموتوا بالغدرة
الشمايت كايدبحوا بالحڭرة
كانضحكوا وكانبكيوا مالقلب، ما كانافقوا، ما كانعرفوا ضحكة صفرا
ما كانربيوا الكبدة على عشرة
لفلوس كايبدلوا البشرة
شمتة مور شمتة تعلمنا، طّحّنا، ولينا فالشمايت خبرة
رضعنا السم من صدرها (صدرها)
الزنقة يمانا العاڭرة (العاڭرة)
ما ترحم فينا تا مسخوط، غادفنو بالروح إذا طاح فقبرو
قلوبنا ولات كيف الحجرة (حجرة)
كانشوفوا غير بالعين الحمرا (حمرا)
كانلعبوا مع الدنيا، كانحاولوا نربحوها واخا عمرها طلعت (عمرها طلعت)
خاسرة...
حياتنا (حياتنا) غير كذبة (غير كذبة)
دازت (دازت) بالزربة (بالزربة)
قلوبنا (قلوبنا) خربة (خربة)
حيت الجوع (حيت الجوع) ولد الكلبة (ولد الكلبة)
حياتنا (حياتنا) غير كذبة (غير كذبة)
دازت (دازت) بالزربة (بالزربة)
قلوبنا (قلوبنا) خربة (خربة)
حيت الفقر (حيت الفقر) ولد الكلبة (ولد الكلبة)
Writer(s): Mohammed El Hadi M Zouri
Lyrics powered by www.musixmatch.com