翻案

說書人：驟眼十五分鐘 最尾嗰一秒鐘 慢慢去問出真凶 翻案者快行動 衙差：升堂 威武 眾： 啤— 啤— 啤— 啤— 秦師爺（白）：傳楊秀秀！ 秀秀： 望天未猜透 問心是通透 唯有放膽期望在今天 得到拯救 是否莫須有 在今日深究 誰個放膽 堂上論千秋 洗清我污垢 秀秀（白）：大人，我冇落毒！ 鄔玉圓（白）：你呃人！ 鄔玉圓：出嫁嘅麗人 竟會係賤人 嗰晚趁洞房 動獸心 （眾：嘩） 房裏面洞房 得佢地二人 焉個毒害人 使去問 （眾：嗯） 你有冇試過抗拒 （秀秀：有） 你有冇怨佢半句 （秀秀：有） 有冇怪我 （秀秀：有） 有冇怪佢 （秀秀：有） 有冇答應照顧佢 （秀秀：冇） 有冇試過灌醉佢 （秀秀：冇） 你有冇對佢抗拒 （秀秀：有） 有冇抗拒 （秀秀：有） 有冇殺佢 （秀秀：有） 你有殺佢 （秀秀：冇 冇 冇 冇） 眾：啊— 啊— 啊— 啊— 啊— 啊— 啊— 啊— 秀秀： 心向善做人 心冇話害人 偏卻又被人 賣了身 （眾：哈） 迫我嫁病人 心滿是淚痕 心渴望自由 非怨恨 冇錯冇錯我怨過 （眾：嗱） 冇錯冇錯我痛過 （眾：嗱） 我有喊過 我抗拒過 世界卻冇放過我（眾：講） 鄔玉圓：佢兩隻眼詐喊喎 （眾：哼） 咪個當我冇腦噃 （眾：啱） 眾：你殺佢嘅 你殺佢嘅 冇殺嘅 我未信囉 秀秀： 人人想喊打 仍然不害怕 能求生 能尋死 唯求真說話 頑強在心裏 一切由人罵 真相待有誰來 推磚敲瓦 鄔玉圓：毒殺親夫 （眾：冇錯冇錯） 家產過戶（眾：冇錯冇錯） 若變有錢 威風八面（眾：冇錯冇錯 冇錯冇錯） 然後出手對付阿姑 （眾：姑奶好孤苦） 鄔玉圓（白）：佢想謀我地鄔家嘅田產就真！大人，請判刑。 方唐鏡（白）：且慢！ 方唐鏡： 月光光 照地唐 鄔家有隻大豺狼 狼似虎 發雌威 虎擒羊 只因為 未留手 正烏龜 倉皇日 君無計 床下底 收埋隻貪心鬼 鬼 鬼 鬼 鬼 鬼 鬼 鬼 眾： 呢個男人係焉個 走上公堂搞焉科 佢係焉個 佢係焉個 說書人（白）：來者何人 方唐鏡／阿細（白）：廣東宋世傑！ 秀秀（白）：宋世傑？你明明係方— 方唐鏡：方向未明 一口咬定 難道已經看清 相信大人 必須確認 疑惑求問個清 方唐鏡（白）：阿細，幫我睇下佢有乜嘢古怪！ 阿細： 親細佬 有乜嘢剩低 益我好過益你隻地底泥 如有你在 而我會係好濕滯 焉怪得我將你做低 （鄔玉圓：個賤婦嘅毒計 咪望得米） 乜嘢身世孖我地睇齊 （鄔玉圓：狼毒女子害我細佬） 明要嫁禍 無愧詐偽 （鄔玉圓：最後 哎喲 ） 含泡淚再跪（鄔玉圓：我 哎吔吔 含恨血未洗） 方唐鏡（白）：個人意見就無謂多講，講返案情！ 鄔玉圓（白）：案情就係我細佬食完碗藥之後一命鳴呼！ 方唐鏡（白）：食完碗藥死徂就關秀秀事㗎啦？ 鄔玉圓（白）：碗藥係我細佬自己煎完拎入房嘅，間房就淨係得佢兩個，唔通我細佬自己毒死自己呀？ 方唐鏡（白）：秀秀，當晚房中只係得你二人？ 秀秀（白）：係 鄔玉圓（白）：大大包砒礵喺佢床下底搵到噃！重唔係佢？ 方唐鏡（白）：唔係問你呀！秀秀你講，當晚嘅事情到底係點嘅？ 秀秀（白）：嗰晚我俾佢哋困喺間房入邊 鄔蛟騰（白）：藥——救我——藥—— 秀秀： 良心曾問過 心內指點我 能否逃避過 或後悔怯懦 想向善做人 心冇話害人 偏卻又被人 賣了身 失救就斷魂 解脫後絕塵 心盼望自由 是原因 秀秀（白）：我有罪。 鄔玉圓（白）：好！可以結案！ 方唐鏡（白）：且慢！ 鄔玉圓（白）：人都認徂罪啦，重有乜好審！ 方唐鏡（白）：乜得你咁心急嘅呢？ 方唐鏡： 假使心入面有隻鬼 咬到底 已慣例 好心急直落到尾位 成王敗寇係兩睇 方唐鏡（白）：楊秀秀根本無餵到藥俾鄔蛟騰喎！ 鄔玉圓（白）：呢啲只係佢嘅一面之詞！焉個知呀？ 方唐鏡：包砒礵係咪當葛粉 你細佬 會咁笨 點解跟住又有你份 隨時突發現了身 相當之醒瞓 鄔玉圓：為要解手去附近 方唐鏡：認定佢落毒 鄔玉圓：實係啦重問 方唐鏡：同人打官司 若冇證據 亂咁嗑 當做戲 一切皆無憑 鄔玉圓：講到咁 你大概 恰女人 方唐鏡：玩下手 你亦似恰佢呢房人 鄔玉圓：凡事斷估 真過份 二人：其實有乜人信先真 鄔玉圓（白）：衙門師爺秦先生證明我細佬係俾佢毒死㗎，係唔係呀秦先生？ 方唐鏡（白）：秦先生！ 秦師爺（白）：細佬在！ 方唐鏡：撈得好扂係有眼睇 似你咁 發咁傺 秦師爺：貪污賄賂就算上位 隨時亦冇命你使 方唐鏡：講返呢單案 秦師爺：驗到砒礵 確實係 方唐鏡：實係「佢」落毒 秦師爺：係就一定係 方唐鏡：憑銀針一睇 秦師爺：就冇贔屭 方唐鏡：睇個人 你亦似 睇到色迷迷 秦師爺：講去焉 我話我 絕唔係 方唐鏡：呢個人 設毒計 指證兼重提 秦師爺：其實佢都的確係 鄔玉圓：其實你嗑完 快返歸 阿細（白）：咦，方唐鏡，我忽然間諗起我阿娘撚手嘅糯米雞呀！ 阿細： 步步其實都要靠手藝 叫作糯米雞 入面要係 臘肉同糯米 一味咁餵 似塞飽個胃 最終塞到底 方唐鏡：塞滿個胃時 先至無問題 先得可稱作 糯米雞 當你驗藥時 屍身可否有 觀測得仔細 睇個胃 方唐鏡（白）：而家大大條鄔蛟騰瞓徂喺道，我哋即席剖腹驗屍就一清二楚！拿刀來！ 說書人（白）：剖腹驗屍！ 眾： 塞滿個胃時 先至無問題 先得可稱作糯米雞 當佢驗藥時 屍身可否有 觀測得仔細 睇個胃 方唐鏡（白）：各位，經再三驗屍，發現鄔蛟騰體內並無砒霜之毒，佢根本就係肺癆病死！民女楊秀秀，無罪！ 說書人（白）：且慢！雖然證實鄔蛟騰並非毒死，但佢之所以病發身故，正正就係因為秀秀猶豫不決，見死不救，其罪亦無可恕 方唐鏡（白）：罪咩呀？方才你條烏龜師爺咪大大聲咁話驗到碗藥有毒囉！ 秦師爺（白）：係咩？ 方唐鏡（白）：既然藥中有毒，又何來救人之用呀？既無救人之藥，咁見死不救就講唔通啦！ 說書人（白）：但係楊秀秀早有殺人之心 方唐鏡（白）：大人，倘若我而家話我想你死，難道我想下都有罪？ 說書人（白）：誒 方唐鏡（白）：大人要查，難道唔係應該查下，點解碗藥有毒？大膽鄔玉圓，而家就告你意圖毒殺親弟，插贓嫁禍，誣告秀秀，侵吞田產！ 鄔玉圓（白）：你有咩證據呀？ 方／細（白）：鄔玉圓以一百両賄賂秦師爺，嗰張由廣興銀號發出嘅一百両銀票，而家就喺秦師爺嘅身上面！ 秦師爺（白）：你點知㗎？ 方／細（白）：重有，砒霜係鄔玉圓故意去隔籬縣嘅德成藥坊買嘅，佢以為咁就神不知鬼不覺，大人唔信，不妨請藥坊老闆過嚟認人！ 鄔玉圓（白）：點解你會知㗎？ 方唐鏡（白）：大人，焉個有罪，好明顯啦吓話？ 說書人（白）：人嚟，將鄔玉圓、秦師爺拖出去！秀秀命運雖然悽苦，但喺丈夫生死關頭佢確實見死不救。就算過到法理，你過得到自己良心咩？ 阿細： 誰不曾犯錯 遇過朝夕之間怯懦 誰不逃避過 直到遇着劫與禍 方唐鏡：當劫後換來 一兩份奈何 龜縮都不算甚麼 當背負罪名 心卻願落磨 為想磊落做人 來承受結果 眾： 喎— 喎— 喎— 喎— 當背負罪名 不免有奈何 只要願落磨 便結果 令你可磊落做人 不再話奈何 請你記住 時日如梭 眾： 錯案判決有變數 （方唐鏡：打） 惡霸會變身被告 （方唐鏡：一定告） 惡有惡報 報 報 報 報 喎— 喎— 人盡知先生雅號 方唐鏡： 行不改名 阿細： 坐不改姓 眾：吧吧吧 吧吧吧 吧吧吧 方唐鏡／阿細：宋世傑 眾： 行不改名 坐不改姓 宋世傑 宋世傑 宋世傑 啊