I zitta und i schwitz, mei Herzerl rutscht in d'Hosn
Da Nexte der bin i, des sogt mei Diagnosn
I lahn im Wortezimma und tua ois ob nix warad
Doch I gspia gaunz genau, wias mas Beischl zaumendraht
I renn davon, egal wohin, wäu i hob heut Kontrolltermin
I moch ma in mei neiche Jean, wäu heute is Kontrolltermin
I brauch an Lita Dopamin
In da Foitakamma hear i scho in Bohrer
Da Dokta wetzt die Messa und i werd imma blässer
Er kennt ka Gnade und foaht eine mitn Stangl
Mei Herzerl mocht an Hupfa, i glaub i reiß a Bangl
I hob a Latzerl untam Kinn, wäu i hob heut Kontrolltermin
A Schläuchl in da Pappn drin, wäu er Hot heit Kontrolltermin
Gebt's ma an Shot Lidocain
Er sogt zu mir: "Herr Karlin, des schaut goa ned guad aus.
Ihna Pappn is a Zuastaund und da Weisheitszaun muass raus."
I sog zu eam: "Heast Meister, huach zua wos i da sog,
Meine Zahnterln san gepflegt, wäu i biaschtl jeden Tog!"
Drauf greift er zum Spritzerl, gibt mir an gscheidn Schuss
I kaun mi nimmer rian, fia den Sadisten a Genuss
Er zwingt mi in die Knie mit Lokalanästhesie
Jetzt hob i's gschofft, i bin dahin, mit zwa neiche Blombn drin
Ned so schnö, wo woins denn hin, ruaft die Ordinationsgehilfin
Na bitte ned, i glaub i spinn, i brauch scho wieda an Termin
