Ich ha gad gfühlt s schlimmschte Jahr hinter mir
Min Chopf isch kaputt ich ha kein Plan was passiert
Liege wuchelang im Bett und starre Löcher id Wand
Miteme Talent woni selber nüme fördere chan
Ich han Fründe um mich ume Familie um mich ume
Aber Wulche über mir und kein Blick me zu de Sunne
Ich han jahrelang brucht zum mir selber chöne izsta
Dass das kei Phase isch wo eifach so verbi gat
Doch ich wachse und ich lerne demit
Doch denke oft a mis 18 jährige ich
Es unbeschwärts Grossmuul im Kampf um de Thron
Ego echli z Gross für die Stadt woni wohn
Ich bin weiss Gott kein heilige wott mich vor niemertem verteidige
Ich gib kein Fick me uf Meinige
Wuchelang kein Chopf me für Studio und so
Aber Lüüt wo mir seged Bro mir bruched dini Songs
Ich bruche Ziit für mich friede mit mir
Bevor ich mich na irgendwie id Bible verirr
Bruch kei Frau wo mich heile chan das isch en Kampf wo ich selber han
Wiit weg vo Leischtig und Werdegang
Lug ich han müsse lerne wie mer bremst
Gschwinidkeit isch Gift wemer lebe muss mit Ängst
Igschränkt bi allem wo du machsch oder denksch
Wenn die letsch Energie nachli Panik verdrängt
Und die ganze scheiss Medis hälfed au nur begränzt
Im Moment isch es still doch jedi Pause gad z End
Denn de ganz Scheiss vo vorne los
Die ganz Nacht bis zum Morgerot seg mer wie bringsch so dini Sorge los
Eh Bro ich mun use ich bruch Luft
Weg cho vo irgendwelchne Suffs im nä Club
Weck mi bitte uf wenn de Früehlig wieder blüeht
Chan die Wulche nüme gse la mi schlafe ich bin müed
