Credits
COMPOSITION & LYRICS
Johan Anders Paulsen
Songwriter
Isak Ailo Gaup
Songwriter
Jørgen Mikkel Bals
Songwriter
Elina Johansen Ijas
Songwriter
Håvard Nuhtte Sara
Songwriter
Lyrics
Ledjet dego gárrenmirku masa darvanin
Oahpes bahá lahkosis masa harjanin
Ledjet virji mii ráhkadii mearkkaid
Mii čavgestii gittá ja čárvvui mus heakka
Mus eai gávdnon gal návccat šat
In gillen in fuollan šat bákčasa
In du dihte šat ferte jorgalit
It doala šat dál beasan ovdánit
Don it gullo šat mu láitime
Don it jáddat šat go lean báitime
Ii lean goasse riekta in lean dan veara
Fertet dál mannát ja sivahallat eará
Guođđilin du olles leahtuin
Mojunjálmmin dál vuoigŋŋan áimmu mii geahpui
Oaivebávččas du lusa bázii ja
Dánsut lea aidna maid háliidan
Balvvat fáhkka jávke albmi rahpasii
Mailbmi čuvggodii ivnnit bohte oidnosii
Julggiin ii leat šat deaddu In leat šat darvanan
Dál mun beasan dánsut Dat lea dat maid háliidan
Dat lei ollu maid don dadjet ja hohket
Ii leat diehtu meinejit go vai stohket
Muh dan maid lohket dat darvánii
Dat šattai dego duohtan maid árvalit
Dadjet mun in liikon dánsut mun jáhkken
Dadjet mun in máhttán dánsut mun jáhkken
Dadjet mun in máhttán maide mun láhtten
Danne in dohko dánsunláhttái báhkken
Muhto vaikko movt ledjen dutnje jáhkkán
Vaikko maid ledjet munnje dahkan
De eai bisson mus juolggit lossadin
Go bessen dánsut fas de mun loktanin
Fáhkka mun njuikon, geahppasit lávkon
Mu eahpádus gal lei oalát jávkan
Mojunjálmmiid joran ja čievččastan
In oro goasse dánsumis bisánan
Balvvat fáhkka jávke albmi rahpasii
Mailbmi čuvggodii ivnnit bohte oidnosii
Julggiin ii leat šat deaddu In leat šat darvanan
Dál mun beasan dánsut Dat lea dat maid háliidan
Mirkkolaš jurddašanvuohki álggii báidnit
Bijai mu hejos čuvgii ja atti bártiid
Galbmagieđat čárvestagat birra mu váimmu
Hehtti mu vuoigŋat friddjavuođa áimmu
Ledjen dolkan dasa maid vásihan
Geahčan mudno doložiid, de bártidan
Oaidnit dan buori, ja go dán čállilan
Dánsut lea áidna maid háliidan
Balvvat fáhkka jávke albmi rahpasii
Mailbmi čuvggodii ivnnit bohte oidnosii
Julggiin ii leat šat deaddu In leat šat darvanan
Dál mun beasan dánsut Dat lea dat maid háliidan
Balvvat fáhkka jávke albmi rahpasii
Mailbmi čuvggodii ivnnit bohte oidnosii
Julggiin ii leat šat deaddu In leat šat darvanan
Dál mun beasan dánsut Dat lea dat maid háliidan
Writer(s): Isak Gaup
Lyrics powered by www.musixmatch.com