Ä sehr heue Platz überau so wissi Steine
Und d Ross vorem Hotel
Bogefänschter so schön ir Reie
U di Chiuche wi us em Zorro Fium
U si fouge ar Prozession
U di Kapäue spiut so truurig
Es stimmt gloub kei einzige Ton
I fa ächt a mir a zwiifle
I bi der hie gfougt bis uf Granada
U säubst wenni di no würd finge
I wüsst überhoupt nid woni würd afa
Das mit dim Ching isch sones Drama
I wett di unändlech im Arm ha
U wenn em ne Mönsch wi du so öppis
Denn figg das huere Karma!
Und de häufe o mini Wort nid
Aber der Räscht vo mir dä wotsch nid
Oder de wotsch aber de erklär mer mau
Warum de so wit furt bisch
Oder säg am gschidschte nüt
Aber de zeig di wenigschtens bitte
I weis doch säuber nüm was besser isch
Scho lang nüm was mi het gritte
Es het mau e schöni Gschicht gä
Vore Mueter so wi du
Wo z Leid nüm het möge trage
Und isch ir Nacht zoberst ufe Turm
Aber dert het eine gwartet
Und het ihre genau das gseit
Es isch uf Spanisch u wunderschön gsi
Är het sechs äue ewig überleit
Und ufe Turm hani no gfunge
Aber da warti iz scho sit Stunde
Und es chunt mer nüt i Sinn
Bi däm Lärm vo däm Pfiffercorps da unger
I dänke wieder mau nume ig ig ig
Und was ig aus vo dir wott
I wirde dä Stachu nümme los
Und i mim Haus steckt e Chrott
U de häufe o mini Wort nid
Vilech ischs ächt e so du wotsch nid
Us isch vo Afang a klar gsi
Das i hie bi isch idiotisch
Und i wott vo dir im fau nüt meh
Aber chum zeig di wenigschtens bitte
Wüu du mir verdammt aus bedütisch
I wott der säge dass di vermisse
Ja und vilech sattli eis vo dene Rösser wo da wartet
U mach mi us em Stoub und i verschwinde us dere Charte
Isse Sardine us der Dose und i teile se mit de Chatze
Lig am Lagerfüür am Sattu u luege ufe uf dä riesig Schatte
Ja und vilech sattli eis vo dene Rösser wo da wartet
U mach mi us em Stoub und i verschwinde us dere Charte
Isse Sardine us der Dose und i teile se mit de Chatze
Lig am Lagerfüür am Sattu u luege ufe uf dä riesig Schatte
