Ana Qader From Gafar El Omda Series (feat. Hesham El Gakh)

سوق الندالة وسع والكل بقي بيلت وأما النصاص بتقوم تلقى الأصيل بيشد العوزة هي الميزان فيها الرجال بتبان ومادام قلع توبه يبقى مالهوش أمان بيعه كمان وكمان وافرح بإنك بعت توب الشرف حساس لو اتقلع بيعت وأديني لسه بتفرج، ده سرك أسود وبتهرج ودنيا مشياها أعرج وأنا صابر على وشي سمر زنهار وقلبي أخضر لكن صبار ومهما يطول المشوار، أنا قادر لا عمري طمعت في اللي معاك ووقت الشدة كنت وراك ومش قصدي إني كنت ملاك لكن شبعان وفاتح قلبي عالمكشوف وبعشق موت ومش مكسوف كلامي دغري مش لفوف ولا باهت أنا صابر وصبري شديد ومهما بتخلف المواعيد أنا بضحك عنيد وسعيد وأقول: "هانت" قابلت كتير وشوفت كتير ولا خوفتش من المشاوير ورغم الويل فضلت كبير ما بصغرش ولا مديتش إيدي في يوم وشيلت حمولي كوم ورا كوم ويحلالي أبات مظلوم ولا أظلمش غريب في بلاد ما تعرفنيش وبستنى الوعود ما تجيش وحتى زماني ما نصفنيش يا دنيا وشوش عايشها زي خطوة دب وأنا صادق في صحبة زفت وصدق الحر غية وكيف ما بيسبهوش معاك في الضيقة مهما تدوس ولا أبيعك بأي فلوس لكن لو بعت هبقى كابوس في أحلامك عاشرني تعرف الرجال، تليق الشيلة ع الشيال بجد ومش كلام أقوال وقدامك وأديني لسه بتفرج، ده سرك أسود وبتهرج ودنيا مشياها أعرج وأنا صابر على وشي سمر زنهار وقلبي أخضر لكن صبار ومهما يطول المشوار، أنا قادر لا عمري جريت ولا اتخبيت على الطبلية أنا اتربيت وعارف معنى كلمة بيت وأنا حامي لا بدهن زينة ولا بوية ووقت الشدة على أبويا ولحم أكتافي من أبويا