No me sento pì in colpa parchè vojo un fià de pì
Se te voi ti fa l'ofeso parchè no te vojo ti
No podarìa pregarte no so gnanca come fare
Respiro i to discorsi, me sento sofegare
Mi no so pi bravo, no so mejo, pi inteijente
No go opinion xa pronte pa ogni roba che se sente
Ma tuti dà consigli che fa figo far l'esperto
Co discorsi pa roverso sensa fassine al cuèrto
No se aprocia robe nove come se te e conossessi
Né co i stessi strumenti, serve altri atressi
No entro pi nel merito co xente sensa metodo
Podendo mi li evito i xe pezo de un debito
Ma riva senpre un mona che un fià se incativisse
Te ataca pa ogni roba che davero no el capisse
E dovarìa spiegarlo? Finisse che no parlo
Go el dono dea pasiensa ma no so scartarlo
Ghe xe na roba grossa che davero no capisso
Se pa davero i stupidi no canbia mai idea
Ghe xe na roba strana de cui ancora me stupisso
De quante volte i stupidi canbiarà idea
Ghe xe na roba grossa che davero no capisso
Se pa davero i stupidi no canbia mai idea
Ghe xe na roba strana de cui ancora me stupisso
De quante volte i stupidi canbiarà idea
Pa come che i me gira no me basta do astronomi
Giro in economy fra i vicoi del Monopoli
Richi e poveri qua tuti voe cicìn
I riva vissin ma manca senpre un cincinìn
Tuti ingordi, tuti sordi, tuti pronti sui bordi
Dai primordi i me ricordi xe: guai se te demordi
Te capissi quanto conta essere credìbie
E quando no te o sì tuto pare inposìbie
Mi go provà spiegarme forse in pì de mie modi
Anca in mezo a na burasca col vento a mie nodi
Pare che a spacarte quasi quasi te te godi
Desso no me giusto gnanca col Mie Ciodi
El concime dea speransa pare sia l'ignoransa
No costa gnente e gnanca inpinisse mai eà pansa
E scoltarte xe un drama, na linea de un programa
Testa bassa e comandà quasi come un olograma
Ghe xe na roba grossa che davero no capisso
Se pa davero i stupidi no canbia mai idea
Ghe xe na roba strana de cui ancora me stupisso
De quante volte i stupidi canbiarà idea
Ghe xe na roba grossa che davero no capisso
Se pa davero i stupidi no canbia mai idea
Ghe xe na roba strana de cui ancora me stupisso
De quante volte i stupidi canbiarà idea
L'informassion no serve a darte queo che piazarà
Ma a farte voere queo che i ga xa parecià
E in fine a farte credare che sia eà verità
Xe par queo che i xe là, iori te a confermará
Vorìa tranquiità, spensieratessa
Ma no penso a vegnarà da l'inconsapevoessa
Prima i crea el problema po i te vende a soussion
Te te a cati bea pronta ben spiegà in teévision
Stùa tuto, tuppido
