Eà reclame xe un cechín, semo tuti sol mirín
Ghe so mi, te ghe si ti, ghe xe el nostro tacuín
El mandante xe chi vende, el business se estende
El trend xe che a xente che se arende ghe rende
E chi se ofende? Coa de paja
Canája co chi sbája, fa a guardia can che sbája
O mejo raja, come un musso col paròn
Tira el caro o te saji el gusto del bastòn
Varda, che i me convinsa mi xe inprobábie
El confine fra senplice e banae xe labie
Ma invaicábie, e par quanto àbie
Se co e paroe xe fàssie mi so poco inpressionàbie
Ma a volte co xe note sena e dubi ne vien su
Sul Possi Ginori a fare i riti woodoo
Se continua sbajare, quanta xente non concreta
Ma chi davero sbaja? Chi ghe da 'ncora reta
No parlo pi co xente co na vita inesistente
Ignara del presente co a paura de l'iminente
Che naviga al largo come serti marinai
Bravi par carità, ma no i atraca mai
Teritori mentài dove riva senpre guera
Notissie merdose che concima a nostra tera
Xente che no parla mai, no dà segnai
Su gnente che no vegna dito dai teèjiornai
Speransa in abondansa pa i poareti, xa se sa
Manca paze col sarvéo, se mai se catarà
Co un apuntamento fisso co a paroea feicità
A gheto vista par de qua? Nah, gnanca mai passà
E busie no xe mai sepeìe in simitero
E eà paura del vero fa paura pa da vero
L'indifarensa copa come na disatensiòn
Fa atensiòn, da quanto che te vivi in tensiòn?
Che situassiòn, no te ghe chea sensassiòn?
No se inpara a lessiòn tanto pa conbinassiòn
Xente mona che no zoga senpre in mezo come el zioba
Che anca ti te dizi: mi no vojo pi sta roba!
Eà massa spersonaìza, ma assa che i diza
Mejo fare na vaìza e trasferisse a Ibiza
I schei tranquiìza, ma no basta nàssar co a camiza
Qua serve e mudande de ghisa
El mona iero mi, speravo nea coerensa
Ma no go pì speranse, né voja, né pasiensa
Pa chi no bruza dentro e gnente li move
Co riva un canbiamento e xe tute robe nove
