Anghelos chi cantades a lughe 'e luna
'Izos de panas mamas chene fortuna
Fachide nos intrare in cuss'apposentu
Inue sos annos torran a passu lentu
Animas de sos mannos irmenticados
Boghes de sos cumpanzos malassortados
Fachide chi sa zente non siat in gherra
S'intendat sonu 'e paghe supra sa terra
B'at un'istella a palas de custu chelu
Tenet birgonza manna 'e si facher biere
Cust'istelledda nostra cando b'at ghelu
Bessit a fora allutta e non faghet die
Anghelos chi cantades a lughe 'e luna
'Izos de panas mamas chene fortuna
Faghide chi su tempus torret a inoghe
A cando custa terra fit una oghe
